1500 മീറ്ററിൽ ജിൻസന്​ ദേശീയ റെക്കോഡ്​

ആംസ്​റ്റർഡാം: 1500 മീറ്ററിൽ പുതിയ ദേശീയ റെക്കോഡ്​ കുറിച്ച്​ മലയാളി താരം ജിൻസൺ ജോൺസൺ. നെതർലൻഡ്​സിലെ നിജ്​മിജനിൽ നടന്ന മീറ്റിൽ മൂന്നു​ മിനിറ്റ്​ 37.62സെക്കൻഡിൽ ഫിനിഷ്​ ചെയ്​താണ്​ ഏഷ്യൻ ഗെയിംസ്​ ചാമ്പ്യനായ ജിൻസൺ സ്വന്തം പേരിലുള്ള റെക്കോഡ്​ മറികടന്നത്​.

2018 ഗോൾഡ്​കോസ്​റ്റ്​ കോമൺവെൽത്ത്​​ ഗെയിംസിൽ സ്​ഥാപിച്ച റെക്കോഡാണ്​ (3:37.86മി) മറികടന്നത്​. മീറ്റിൽ ആറാമതായിരുന്നു ജിൻസ​​െൻറ സ്​ഥാനം. വനിതകളുടെ 1500 മീറ്ററിൽ ഏഷ്യൻ ട്രാക്ക്​ ആൻഡ്​ ഫീൽഡ്​ ചാമ്പ്യൻ പി.യു. ചിത്ര ഒന്നാമതെത്തി. 4:13.52 മിനിറ്റിലായിരുന്നു ചിത്രയുടെ നേട്ടം.