ഇൻറർ കോണ്ടിനെൻറൽ കപ്പ്​ അത്​ലറ്റിക്​സ്: ​ ചിത്ര നാലാമത്; ജിൻസൺ ഏഴാമത്​

ഒ​സ്​​ട്രാ​വ (ചെ​ക്​ റി​പ്പ​ബ്ലി​ക്): ലോ​കോ​ത്ത​ര അ​ത്​​ല​റ്റു​ക​ൾ വി​വി​ധ ഭൂ​ഖ​ണ്ഡ​ങ്ങ​ളെ പ്ര​തി​നി​ധാ ​നം ചെ​യ്​​ത് മ​ത്സ​രി​ക്കു​ന്ന ഇ​ൻ​റ​ർ കോ​ണ്ടി​ന​െൻറ​ൽ ക​പ്പ്​ അ​ത്​​ല​റ്റി​ക്​​സി​ൽ ആ​ദ്യ ദി​നം ഇ​ന്ത്യ​ൻ താരങ്ങൾക്ക്​​ മെ​ഡ​ലു​ക​ളി​ല്ല. ഇന്ന​​ലെയിറങ്ങിയ രണ്ട്​ മലയാളി താരങ്ങൾക്കും തങ്ങളുടെ മികച്ച പ്രകടനങ്ങളുടെ അടു​െത്താന്നുമെത്താനായില്ല. വനി​ത​ക​ളു​ടെ 1500 മീ​റ്റ​റി​ൽ പി.​യു. ചി​ത്ര നാ​ലാ​മ​താ​യ​പ്പോ​ൾ പുരുഷന്മാരുടെ 800 മീറ്റിൽ ജിൻസൺ ​േജാൺസ​ണിന്​ ഏഴാമതേ എത്താനായുള്ളൂ.

4:18.45 സ​മ​യ​ത്തി​ൽ ഫി​നി​ഷ്​ ചെ​യ്​​താ​ണ്​ ഏ​ഷ്യ​ൻ ഗെ​യിം​സ്​ വെ​ങ്ക​ല​ മെ​ഡ​ൽ ജേ​ത്രി​യാ​യ ചി​ത്ര നാ​ലാ​മ​തെ​ത്തി​യ​ത്. ജക്കാർത്തയിൽ ചിത്ര വെങ്കലം നേടിയ 4:12.56 സമയത്തിനും ഏറെ പിറകിലായി ഒാടിയ ആ​ഫ്രി​ക്ക​യു​ടെ വി​ന്നി ചെ​ബ​റ്റ്​ (4:16.01) ആണ്​ സ്വർണം സ്വന്തമാക്കിയത്​. 800 മീറ്ററിൽ ജിൻസണിനും മികച്ച പ്രകടനം പുറത്തെടുക്കാനായില്ല. 1:48.44 സമയത്തിൽ ഫിനിഷ്​ ചെയ്​ത ജിൻസൺ ഏഴാമതായി. 1:46.50 സമയത്തിൽ ഒാടിയെത്തിയ ആഫ്രിക്കയുടെ കിപ്​കുറൂയി കിറോർ ആണ്​ സ്വർണം നേടിയത്​. 1:46.35 സമയത്തിലാണ്​ ജിൻസൺ ഏഷ്യൻ ഗെയിംസിൽ വെള്ളി നേടിയിരുന്നത്​. ജൂണിൽ 1:45.65 സമയവുമായി 42 വർഷം പഴക്കമുള്ള ശ്രീറാം സിങ്ങി​​െൻറ റെക്കോഡും ജിൻസൺ തകർത്തിരുന്നു. ഇൗ സമയങ്ങളുടെ അടുത്തൊന്നുമെത്താൻ ഇത്തവണ ജിൻസണിനായില്ല.

ജി​ൻ​സ​ൺ ഇന്ന്​ 1500 മീറ്ററിലും ഇറങ്ങും. നീ​ര​ജ്​ ചോ​പ്ര (ജാ​വ​ലി​ൻ), മു​ഹ​മ്മ​ദ്​ അ​ന​സ്​ (400 മീ.), ​അർപീന്ദർ സിങ്​ (ട്രിപ്പിൾ ജംപ്​), സുധ സിങ്​ (3000 മീ. സ്​റ്റീപ്പ്​ൾ ചേസ്​) എ​ന്നി​വ​ർക്കും ഇന്ന്​ മത്സരമുണ്ട്​. 4x400 മിക്​സഡ്​ റിലേയിലും ഇന്ത്യ ഇറങ്ങും.