കസാഖ്​സ്​താനിൽ അഫ്​സലിന്​ ​സ്വർണം

22:29 PM
06/07/2019
അഫ്സൽ

അൽമറ്റി: കസാഖ്​സ്​താനിലെ അൽമാറ്റിയിൽ നടക്കുന്ന അത്​ലറ്റിക്​ മീറ്റിൽ മലയാളിതാരം മുഹമ്മദ്​ അഫ്​സലിന്​ സ്വർണം. 800 മീറ്ററിൽ ഒരു മിനിറ്റ്​ 49.12 സെക്കൻഡിലാണ്​ അഫ്​സലി​​െൻറ ഫിനിഷിങ്​. പാലക്കാട്​ ഒറ്റപ്പാലം സ്വദേശിയാണ്​ അഫ്സൽ. മീറ്റിൽ ഇന്ത്യ മൂന്ന്​ സ്വർണം ഉൾപ്പെടെ ആറ്​ മെഡൽ നേടി. ഡിസ്​കസ്​ത്രോ പുരുഷവിഭാഗത്തിൽ ഗഗൻദീപ്​ സിങ്ങും വനിതകളിൽ നവജിത്​ കൗർ ധില്ലനുമാണ്​ സ്വർണം നേടിയത്​. രണ്ട്​ വെള്ളിയും ഒരു വെങ്കലവുംകൂടി പിറന്നു. 

ഹിമക്ക്​ 200ൽ സ്വർണം
പൊസ്​നാൻ (​േപാളണ്ട്​): പൊസ്​നാൻ അത്​ലറ്റിക്​ മീറ്റിൽ ഇന്ത്യയുടെ ഹിമ ദാസിന്​ സ്വർണം. 400 മീറ്ററിലെ ഏഷ്യൻ ഗെയിംസ്​ വെള്ളി ജേതാവായ ഹിമ 200 മീറ്ററിലാണ്​ പോളണ്ടിൽ മത്സരിച്ചത്​. 23.65 സെക്കൻഡിലായിരുന്നു ഫിനിഷ്​. 

അന്നു റാണി ഏഴാമത്​
ലോസന്നെ: ഡയമണ്ട്​ ലീഗ്​ അത്​ലറ്റിക്​സ്​ ജാവലിൻ ത്രോയിൽ ഇന്ത്യയുടെ അന്നു റാണി ഏഴാമത്​. 59.35 മീറ്റർ താണ്ടിയാണ്​  ഡയമണ്ട്​ ലീഗ്​ അരങ്ങേറ്റത്തിൽ തിളങ്ങിയത്​. 
 

Loading...
COMMENTS