01:59:40.2: രണ്ടു മണിക്കൂറിൽ താഴെ ​ മാരത്തൺ ഫിനിഷ്​ ചെയ്യുന്ന ആദ്യ താരമായി എലിയൂഡ് കിപ്​ചോഗെ

22:25 PM
12/10/2019

വിയന: ഇരുവശങ്ങളിലും തിങ്ങിനിറഞ്ഞ പുരുഷാരത്തി​​െൻറ കരഘോഷങ്ങൾക്കു മധ്യേ ​ൈകകൾ വീശി എലിയൂഡ്​ കിപ്​ചോഗെ ഫിനിഷിങ്​ പോയൻറിലേക്ക്​ കാലെടുത്തുവെച്ചപ്പോൾ ഇലക്​ട്രോണിക്​ കവാടത്തി​​െൻറ സമയസൂചികയിൽ 01:59:40.2 എന്ന്​ തെളിഞ്ഞു. അവിശ്വസനീയതയിൽ മുങ്ങിയ ആ സമയക്കുറിയിൽ ലോകം അതിശയിച്ചുനിൽക്കുകയായിരുന്നു പി​െന്ന. ഓസ്​ട്രിയൻ തലസ്​ഥാനനഗരിയിലെ ആ അത്ഭുത പ്രകടനത്തിനു തുല്യമായതൊന്ന്​ മാരത്തണി​​െൻറ കഴിഞ്ഞകാല ചരിത്രത്തിലുണ്ടായിട്ടില്ല. ഹാഫ്​ മാരത്തൺ മണിക്കൂറിൽ താഴെ സമയത്തിൽ ഓടിയെത്തി വിസ്​മയം കുറിച്ചതിനുശേഷമാണ്​ വേഗവും ഊർജവും കരുത്താക്കി സമയസൂചികളെ കിപ്​ചോഗെ ഒരിക്കൽകൂടി പിന്നിലാക്കിയത്​. 

മാരത്തണിൽ അസാധ്യമായതൊന്നുമില്ലെന്ന്​ തെളിയിച്ച​ കെനിയൻ  താരം രണ്ടു മണിക്കൂറിൽ താഴെ​ മാരത്തൺ ഫിനിഷ്​ ചെയ്യുന്ന ആദ്യ താരമെന്ന ചരിത്രനേട്ടമാണ്​ സ്വന്തമാക്കിയത്​​. ഒളിമ്പിക്​-ലോക ജേതാവായ കിപ്​ചോഗെ വിയനയിലെ തണുത്ത ഈർപ്പം നിറഞ്ഞ കാലാവസ്​ഥയെ വകഞ്ഞുമാറ്റിയാണ്​ ഒരു മണിക്കൂർ 59 മിനിറ്റ്​ 40 സെക്കൻഡുകൾക്കകം മത്സരം പൂർത്തിയാക്കിയത്​. അനൗദ്യോഗിക മത്സരമായതിനാൽ അന്താരാഷ്​ട്ര അത്​ലറ്റിക്​സ്​ ഫെഡറേഷൻ (ഐ.എ.എ.എഫ്​) ഇത്​ റെക്കോഡിന്​ പരിഗണിക്കുകയില്ല. രണ്ടു​ വർഷംമുമ്പ്​ ഇറ്റലിയിലെ മോണ്‍സയില്‍ 25 സെക്കൻഡുകളുടെ വ്യത്യാസത്തിൽ തനിക്ക്​ നഷ്​ടമായ നേട്ടം വിയനയിൽ എത്തിപ്പിടിക്കാനായതി​​െൻറ ചാരിതാർഥ്യത്തിലാണ്​ 34കാരൻ. ഓരോ കിലോമീറ്ററും 2.50 മിനിറ്റിൽ ഓടിത്തീർത്താണ്​ കിപ്‌ചോഗെ ലക്ഷ്യം നേടിയത്​.

മത്സരം അവസാനിക്കുന്നതുവരെ  കിപ്‌ചോഗെയുടെ വേഗം കുറയാതിരിക്കാനായി 41 പേസ്മേക്കർ അത്‌ലറ്റുകള്‍ കൂടെ ഓടുകയും ഓട്ടത്തി​​െൻറ ഓരോ ഘട്ടത്തിലും നിലവിലെ വേഗത്തില്‍ മാരത്തണ്‍ പൂര്‍ത്തിയാക്കാന്‍ എത്ര സമയമെടുക്കുമെന്ന് കാണിക്കുന്ന കാർ ട്രാക്കിലൂടെ ഓടിക്കുകയും ചെയ്​തിരുന്നു. ഇതിന്​​ ഐ.എ.എ.എഫ​്​ അനുമതി നൽകുന്നില്ല. 2018ലെ ബർലിൻ മാരത്തണിൽ രണ്ടു മണിക്കൂർ ഒരു മിനിറ്റ് 39 സെക്കൻഡിന്​ ഫിനിഷ്​ ചെയ്​ത കിപ്​ചോഗെയുടെ പേരിൽ തന്നെയാണ്​ നിലവിലെ ലോക റെക്കോഡ്​. പേസ്​മേക്കർ അത്​ലറ്റുകൾക്ക്​ നന്ദി അറിയിച്ച കിപ്​ചോഗെ ‘നമ്മളൊരുമിച്ചാണ്​ ചരിത്രമെഴുതിയത്​’ എന്ന്​ അവരോട്​ പറഞ്ഞു.
 

Loading...
COMMENTS