സർക്കാർ വീഴ്​ച; ദ്യുതിയു​െട അർജുന ശിപാർശ തള്ളി

ന്യൂഡൽഹി: ഇന്ത്യൻ സ്​പ്രിൻറർ ദ്യുതി ചന്ദി​​െൻറ അർജുന അവാർഡ്​ ​ശിപാർശ കേന്ദ്ര കായിക-യുവജനക്ഷേമ മന്ത്രാലയം തള ്ളി. നിശ്ചിത തീയതിക്കുള്ളിൽ ശിപാർശ സമർപ്പിക്കുന്നതിൽ ഒഡിഷ സർക്കാർ വീഴ്​ചവരുത്തിയതിനെ തുടർന്നാണ്​ നടപടി.

കൂടാതെ, റാങ്കിങ്​ ക്രമത്തിലായിരുന്നില്ല അവരുടെ മെഡലുകൾ നൽകിയതെന്നതും തള്ളുന്നതിന്​ കാരണമായി. മുഖ്യമന്ത്രി നവീൻ പട്​നായകിനെ സന്ദർശിച്ചതായും വീണ്ടും ശിപാർശ നൽകാമെന്ന്​ അദ്ദേഹം ഉറപ്പുനൽകിയതായും ദ്യുതി പറഞ്ഞു. ഇതേ കാരണത്തിൽ ക്രിക്കറ്റ്​ താരം ഹർഭജൻ സിങ്ങിനുള്ള ഖേൽരത്​ന ശിപാർശയും തള്ളിയിട്ടുണ്ട്​.