സ്വത്ത്​ തട്ടിയെടുക്കാൻ സഹോദരി മാതാപിതാക്കളെയും വീട്ടിൽ നിന്ന്​ പുറത്താക്കും; ആരോപണവുമായി ദ്യുതി ചന്ദ്​

ന്യൂഡൽഹി: ത​​​െൻറ കുടുംബത്തി​​​െൻറ അവസ്ഥയോർത്ത്​ ഭയമുണ്ടെന്ന്​​ പ്രശസ്​ത അത്​ലറ്റ്​ ദ്യുതി ചന്ദ്​. സ്വവർഗ ബന്ധം വെളിപ്പെടുത്തിയതിന്​ വീട്ടിൽ നിന്ന്​ പുറത്താക്കിയതിനെ തുടർന്ന്​ 2019 മുതൽ ബുവനേശ്വറിൽ താമസമാക്കിയ ദ്യുതി ചന്ദ്​ മൂത്ത സഹോദരി സരസ്വതിക്കെതിരെയാണ്​ ആരോപണവുമായി എത്തിയിരിക്കുന്നത്​. അവർ സ്വത്തെല്ലാം തട്ടിയെടുക്കാൻ ശ്രമിക്കുകയാണെന്നും വൈകാതെ ഇളയ സഹോദരിമാരെയും മാതാപിതാക്കളെയും സഹോദരി വീട്ടിൽ നിന്ന്​ പുറത്താക്കുമെന്ന ഭയമുണ്ടെന്നും ദ്യുതി ടൈംസ്​ നൗവിന്​ നൽകിയ അഭിമുഖത്തിൽ പറഞ്ഞു.

2009ൽ പ്രണയവിവാഹം കഴിച്ചതിനെ തുടർന്ന്​ എ​​​െൻറ സഹോദരനെ വീട്ടിൽ നിന്ന്​ പുറത്താക്കി. 2019മുതൽ ഞാൻ ബുവനേശ്വറിലാണ്​ ജീവിക്കുന്നത്​. എല്ലാത്തിനും കാരണക്കാരി മൂത്ത സഹോദരിയാണ്​. ഞാൻ ഒരു സ്വവർഗ ബന്ധത്തിലായതിന്​ എ​​​െൻറ സഹോദര​​​െൻറ ജീവിതം എന്തിന് നശിപ്പിക്കണം..? എ​​​െൻറ ഇളയ സഹോദരിമാരെ കുറിച്ച്​ ആവലാതിയുണ്ട്​. അവർ എ​​​െൻറ മാതാപിതാക്കളെയടക്കം എല്ലാവരെയും വീട്ടിൽ നിന്ന്​ പുറത്താക്കും. ജയ്​പൂരിലുള്ള വീട്​ പണിതത്​ ത​​​െൻറ പണം കൊണ്ടാണെന്നും തനിക്കും സഹോദരനും ഇപ്പോൾ വീട്ടിൽ പോയി മാതാപിതാക്കളെ കാണാൻ അനുമതിയില്ലെന്നും ദ്യുതി പറഞ്ഞു.​ താനിത്​ പറയുന്നത്​ സരസ്വതിയെ ഒരു പാഠം പഠിപ്പിക്കാനാണെന്നും ദ്യുതി കൂട്ടിച്ചേർത്തു.

സഹോദരി​യുടെ ബ്ലാക്​മെയിലും ശാരീരിക പീഡനവും കാരണമാണ്​ താൻ സ്വവർഗാനുരാഗി ആണെന്ന കാര്യം തുറന്നു പറയേണ്ടി വന്നതെന്ന്​ ദ്യുതി മുമ്പ്​ വെളിപ്പെടുത്തിയിരുന്നു. സഹോദരി 25 ലക്ഷം ആവശ്യപ്പെട്ട്​ ബ്ലാക്​ മെയിൽ ചെയ്ത്​ മർദിച്ചതായും അതിനാലാണ്​ വെളിപ്പെടുത്തിയതെന്നും അവർ ആരോപിച്ചിരുന്നു.

അതേസമയം ദ്യുതിയുമായി അടുപ്പമുള്ള പെൺകുട്ടിയുടെ കുടുംബം തങ്ങളെ ഭീഷണിപ്പെടുത്തിയെന്നും ദ്യുതിയുടെ സമ്പത്താണ്​ അവരുടെ ലക്ഷ്യമെന്നുമായിരുന്നു സഹോദരി ആരോപിച്ചത്​. 2018ലെ ഏഷ്യൻ ഗെയിംസിൽ ഇന്ത്യക്ക്​ വേണ്ടി രണ്ട്​ വെള്ളി നേടിയതോടെയാണ്​ ദ്യുതി ചന്ദ്​ ശ്രദ്ധനേടുന്നത്​. 100 മീറ്ററിലെ ദേശീയ റെക്കോഡായ 11.22 സെക്കൻറ്​ ദ്യുതിയുടെ പേരിലാണ്.