പ്ര​തീ​ക്ഷ​യു​ടെ ട്രാ​ക്കി​ല്‍ ആ​തി​ഥേ​യ​ര്‍; ആ​ദ്യ ദി​നം ഏ​ഴു ഫൈ​ന​ലു​ക​ൾ

ഭു​വ​നേ​ശ്വ​ർ: നാ​ട്ടു​കാ​രു​ടെ മു​ന്നി​ല്‍ തി​ണ്ണ​മി​ടു​ക്ക് കാ​ട്ടി മെ​ഡ​ല്‍കൊ​യ്ത്ത് ല​ക്ഷ്യ​മി​ട്ട് ഏ​ഷ്യ​ന്‍ അ​ത്​​ല​റ്റി​ക്സ് ചാ​മ്പ്യ​ന്‍ഷി​പ്പി​ല്‍ ആ​തി​ഥേ​യ​രാ​യ ഇ​ന്ത്യ ആ​ദ്യ​ദി​ന​മാ​യ വ്യാ​ഴാ​ഴ്ച പോ​രി​നി​റ​ങ്ങു​ന്നു. ഒ​ന്നാം ദി​നം ഏ​ഴു  ഫൈ​ന​ലു​ക​ളാ​ണ് അ​ര​ങ്ങേ​റു​ന്ന​ത്.  രാ​വി​ലെ ഡ​ക്കാ​ത്​​ല​ണി​ലെ വി​വി​ധ  മ​ത്സ​ര​ങ്ങ​ളും ഹീ​റ്റ്സു​മാ​ണ് ക​ലിം​ഗ സ്​​റ്റേ​ഡി​യ​ത്തി​ലെ മ​ത്സ​ര​ങ്ങ​ൾ.

വൈ​കീ​ട്ട് ആ​റി​നാ​ണ് ഏ​ഴു ഫൈ​ന​ലു​ക​ളും. പു​രു​ഷ​ന്മാ​രു​ടെ ഡി​സ്ക​സ്ത്രോ, പോ​ൾ​വാ​ള്‍ട്ട്, വ​നി​ത​ക​ളു​ടെ ലോ​ങ്ജം​പ്, ഷോ​ട്ട്പു​ട്ട്, 5000 മീ​റ്റ​ർ, ജാ​വ​ലി​ന്‍ത്രോ, പു​രു​ഷ​ന്മാ​രു​ടെ 5000 മീ​റ്റ​ര്‍ എ​ന്നി​വ​യാ​ണ് ആ​ദ്യ ദി​ന​ത്തി​ലെ ഫൈ​ന​ല്‍ പോ​രാ​ട്ട​ങ്ങ​ൾ. പു​രു​ഷ​ന്മാ​രു​ടെ ഡി​സ്ക​സ്ത്രോ​യി​ല്‍ ഹാ​ട്രി​ക് സ്വ​ര്‍ണം തേ​ടി​യാ​ണ് വി​കാ​സ് ഗൗ​ഡ​യു​ടെ വ​ര​വ്. പ്രാ​യം ത​ള​ര്‍ത്തി​യ താ​രം പ​തി​വ് ഫോ​മി​ൽ അ​ല്ലെ​ന്ന​ത് ഇ​ന്ത്യ​ന്‍ ക്യാ​മ്പി​ന് ആ​ശ​ങ്ക​യേ​റ്റു​ന്നു. ധ​ര്‍മ​രാ​ജ യാ​ദ​വ്, കൃ​പാ​ല്‍ സി​ങ് എ​ന്നി​വ​രും ഡി​സ്ക​സ്ത്രോ​യി​ല്‍ ഭാ​ഗ്യം പ​രീ​ക്ഷി​ക്കാ​നി​റ​ങ്ങും. പു​രു​ഷ പോ​ൾ​വാ​ള്‍ട്ടി​ല്‍ എ​സ്. ശി​വ​യാ​ണ് ഏ​ക ഇ​ന്ത്യ​ന്‍താ​രം. എ​ന്നാ​ല്‍, ഈ ​സീ​സ​ണി​ല്‍ 5.14 മീ​റ്റ​ര്‍ മാ​ത്രം ചാ​ടി​യ ശി​വ​ക്ക് മെ​ഡ​ല്‍സാ​ധ്യ​ത കു​റ​വാ​ണ്. 5.70 മീ​റ്റ​ര്‍ ചാ​ടി​യ ചൈ​ന​യു​ടെ ഡി​ങ് ബാ​ങ്ചോ​ക്കാ​ണ് സാ​ധ്യ​ത കൂ​ടു​ത​ൽ.

വ​നി​ത​ക​ളു​ടെ ലോ​ങ്ജം​പി​ല്‍ മ​ല​യാ​ളി​ക​ള്‍ മെ​ഡ​ല്‍പ്ര​തീ​ക്ഷ​യി​ലാ​ണ്. ഈ ​സീ​സ​ണി​ല്‍ 6.55 മീ​റ്റ​ര്‍ ചാ​ടി ര​ണ്ടാം സ്ഥാ​ന​ത്തു​ള്ള ന​യ​ന ജെ​യിം​സാ​ണ്  മു​ന്നി​ൽ. മ​റ്റൊ​രു മ​ല​യാ​ളി താ​ര​മാ​യ വി. ​നീ​ന​യും ഒ​പ്പം  ജി. ​കാ​ര്‍ത്തി​ക​യും ലോ​ങ്ജം​പി​ല്‍ ഇ​റ​ങ്ങും. 6.61 മീ​റ്റ​ര്‍ ചാ​ടി​യ ചൈ​ന​യു​ടെ ജി​യാ​ന്‍ യെ​ന്‍ഫി​യു​ടെ പേ​രി​ലാ​ണ് സീ​സ​ണി​ലെ മി​ക​ച്ച പ്ര​ക​ട​നം. ജാ​വ​ലി​ന്‍ത്രോ​യി​ല്‍ അ​ന്നു റാ​ണി​യി​ല്‍നി​ന്ന് ഇ​ന്ത്യ ഒ​രു മെ​ഡ​ൽ പ്ര​തീ​ക്ഷി​ക്കു​ന്നു​ണ്ട്. സീ​സ​ണി​ലെ പ്ര​ക​ട​ന​ത്തി​​െൻറ അ​ടി​സ്ഥാ​ന​ത്തി​ല്‍ അ​ന്നു ചൈ​ന​യു​ടെ ലീ ​ലി​ങ് വി​യു​ടെ പി​ന്നി​ല്‍ ര​ണ്ടാം സ്ഥാ​ന​ത്താ​ണ്. പൂ​നം റാ​ണി, സു​മ​ന്‍ദേ​വി എ​ന്നി​വ​രാ​ണ് ഈ​യി​ന​ത്തി​ല്‍ മ​ത്സ​രി​ക്കു​ന്ന മ​റ്റ് ഇ​ന്ത്യ​ന്‍താ​ര​ങ്ങ​ൾ. ഷോ​ട്ട്പു​ട്ടി​ല്‍ മ​ന്‍പ്രീ​ത് കൗ​ർ 17.04 മീ​റ്റ​ര്‍ എ​റി​ഞ്ഞ് സീ​സ​ണി​ല്‍ മൂ​ന്നാം സ്ഥാ​ന​ത്താ​ണ്. അ​നാ​മി​ക ദാ​സ്, ര​മ​ണ്‍പ്രീ​ത് കൗ​ര്‍ എ​ന്നി​വ​രും എ​റി​യാ​നു​ണ്ടാ​കും. ഈ ​സീ​സ​ണി​ല്‍ 18.14 മീ​റ്റ​ര്‍ എ​റി​ഞ്ഞ ചൈ​ന​യു​ടെ നി​ല​വി​ലെ ജേ​ത്രി ഗു​വോ ടി​യാ​ന്‍ ഖി​യാ​നും മ​ത്സ​രി​ക്കാ​നെ​ത്തു​ന്നു​ണ്ട്. വ​നി​ത​ക​ളു​ടെ 5000 മീ​റ്റ​റി​ല്‍ എ​ൽ. സൂ​ര്യ​യും മ​ത്സ​രി​ക്കും. പു​രു​ഷ​ന്മാ​രു​ടെ 5000 മീ​റ്റ​റി​ല്‍ നി​ല​വി​ലെ മെ​ഡ​ല്‍ജേ​താ​വ് ത​മി​ഴ്നാ​ട്ടു​കാ​ര​ന്‍ ജി. ​ല​ക്ഷ്മ​ണി​ലാ​ണ് ഇ​ന്ത്യ​യു​ടെ പ്ര​തീ​ക്ഷ.