Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightEventschevron_rightഭിന്നതാൽപര്യം: അഞ്​ജു...

ഭിന്നതാൽപര്യം: അഞ്​ജു നിരീക്ഷക പദവി ഒഴിയണമെന്ന്​ കേന്ദ്രം

text_fields
bookmark_border
ഭിന്നതാൽപര്യം: അഞ്​ജു നിരീക്ഷക പദവി ഒഴിയണമെന്ന്​ കേന്ദ്രം
cancel
ന്യഡൽഹി: ദേശീയ നിരീക്ഷക പദവിയിൽ നിന്നും രാജിവെക്കാൻ അഞ്​ജു ബോബി ജോർജ്​, പി.ടി ഉഷ ഉൾപ്പെടെയുള്ള അഞ്ച്​ മുൻതാരങ്ങളോട്​ കായിക മന്ത്രാലയത്തി​​​​െൻറ നിർദേശം. ഒരേസമയം സ്വകാര്യ അക്കാദമി നടത്തുകയും നിരീക്ഷക പദവി വഹിക്കുകയും ചെയ്യുന്ന അത്​ലറ്റുകളുടെ  ഭിന്നതാൽപര്യം ചൂണ്ടികാട്ടിയാണ്​ കായിക മന്ത്രാലയം രാജി ആവശ്യപ്പെട്ടത്​.

മലയാളി താരങ്ങൾക്കുപുറമെ ഒളിമ്പിക്​സ്​ സ്വർണ മെഡൽ ജേതാവ്​ അഭിനവ്​ ബിന്ദ്ര, വെയ്​റ്റ്​ലിഫ്​റ്റർ കർണം മലേശ്വരി, മുൻ ടേബ്​ൾ ടെന്നിസ്​ താരം കമലേഷ്​ മെഹ്​ത എന്നിവർക്കാണ്​ സ്​പോർട്​ മന്ത്രാലയം അണ്ടർ സെ​ക്രട്ടറി എ.കെ പത്രോ കത്തെഴുതിയത്​. അതേസമയം, ബിന്ദ്ര കഴിഞ്ഞ ഡിസംബറിലും, ഉഷ ജനുവരിയിലും രാജിവെച്ചിരുന്നു. ​കമലേഷ്​ മെഹ്​തയും നേരത്തെ സ്​ഥാനമൊഴിഞ്ഞു. മാസങ്ങൾക്കു മു​േമ്പ സ്​ഥാനമൊഴിഞ്ഞ തനിക്ക്​ എന്തടിസ്​ഥാനത്തിലാണ്​ ഇപ്പോൾ കത്തെഴുതിയതെന്ന്​ ഉഷ പ്രതികരിച്ചു. 

​രാജ്യാന്തര മത്സരങ്ങൾക്കുള്ള ടീം തെരഞ്ഞെടുപ്പിലും മറ്റും ഉപദേശം നൽകാൻ ചുമതലയുള്ള നിരീക്ഷകർ സ്വന്തമായി അക്കാദമി നടത്തിയാൽ ആരോപണമുയരാനുള്ള സാധ്യത മുന്നിൽകണ്ടാണ്​ മന്ത്രാലയത്തി​​​​െൻറ നടപടി. 2020 ഒളിമ്പിക്​സ്​ മുന്നിൽ കണ്ട്​ വിവിധ കായിക ഇനങ്ങളുടെ പ്രതിനിധികൾ ഉൾപ്പെടുത്തി 12 അംഗ നിരീക്ഷക സംഘത്തിന്​ കഴിഞ്ഞ വർഷമാണ്​ മന്ത്രാലയം രൂപം നൽകിയത്​.
 
‘കേന്ദ്ര സർക്കാർ ആവശ്യപ്പെട്ടത്​ പ്രകാരമാണ്​ സ്​ഥാനമേറ്റത്​. ഒരു വർഷമായി നിരീക്ഷകയായി പ്രവർത്തിക്കുന്നു. രാജിആവശ്യപ്പെട്ടതിനാൽ ഒഴിയുകയാണ്​. പക്ഷേ, അക്കാദമിയുടെ പേരിൽ ഭിന്നതാൽപര്യമില്ല. നിർമാണ ഘട്ടത്തിൽ മാത്രമുള്ള സ്​ഥാപനത്തി​​​​െൻറ പേരിലാണ്​ ഭിന്നതാൽപര്യമുണ്ടെന്ന്​ ആരോപണമുയർന്നത്​. ഭാവിയിൽ ഇന്ത്യൻ ഒളിമ്പിക്​സ്​ അസോസിയേഷൻ ഭാഗമായി  പ്രവർത്തിക്കും. അത്​ലറ്റിക്​ കമ്മീഷൻ ടാസ്​ക്​ ഫോഴ്​സിൽ വൈകാതെ സ്​ഥാനമേൽക്കും’ -അഞ്​ജു ബോബി ജോർജ്​ മാധ്യമത്തോട്​ പ്രതികരിച്ചു.





 
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:athleticsanju bobby georgemalayalam newssports newsMalleswarinational observers
News Summary - Anju Bobby George, Malleswari told to resign as national observers- sports news
Next Story