റിയോയില്‍ സാമ്പത്തിക അടിയന്തരാവസ്ഥ

റിയോ ഡെ ജനീറോ: ഒളിമ്പിക്സ് വേദിയായ റിയോയില്‍ സര്‍ക്കാര്‍ സാമ്പത്തിക അടിയന്തരാവസ്ഥ പ്രഖ്യാപിച്ചു. ഒളിമ്പിക്സിനായി കൂടുതല്‍ തുക വിനിയോഗിക്കുന്നതിന്‍െറ ഭാഗമായാണ് ആരോഗ്യം, വിദ്യാഭ്യാസം, പൊതുഗതാഗതം, പരിസ്ഥിതി, പൊതുസുരക്ഷ ഉള്‍പ്പെടെയുള്ള അവശ്യമേഖലയില്‍ അടിയന്തരാവസ്ഥ പ്രഖ്യാപിച്ചത്. ആഗസ്റ്റ് അഞ്ചുമുതല്‍ 21 വരെ നടക്കുന്ന ഒളിമ്പിക്സിന്‍െറയും സെപ്റ്റംബര്‍ ഏഴുമുതല്‍ 18 വരെ നടക്കുന്ന പരാലിമ്പിക്സിന്‍െറയും ഭാഗമായാണ് നടപടി. കായികമാമാങ്കം അവസാനിക്കുന്നതുവരെ കൂടുതല്‍ തുക നീക്കിയിരിപ്പ് നടത്തില്ല.