2017 ഏഷ്യൻ അത്ലറ്റിക്സ്​ ചാമ്പ്യൻഷിപ്പ് റാഞ്ചിയിൽ

ന്യൂഡൽഹി: ഝാർഖണ്ഡിെൻറ തലസ്​ഥാനമായ റാഞ്ചി 2017ൽ 22ാമത് ഏഷ്യൻ അത്ലറ്റിക്സ്​ ചാമ്പ്യൻഷിപ്പിന് വേദിയൊരുക്കും. ഏഷ്യൻ അത്ലറ്റിക്സ്​ അസോസിയേഷെൻറ മനിലയിൽ നടന്ന 83ാമത് കൗൺസിൽ യോഗത്തിലാണ് ഇക്കാര്യം സംബന്ധിച്ച് തീരുമാനമായത്.
നാലുവർഷത്തെ ഇടവേളക്കുശേഷമാകും ഏഷ്യൻ അത്ലറ്റിക്സിെൻറ പോരാട്ടദിനങ്ങൾ ഇന്ത്യൻ മണ്ണിലെത്തുക. 1989ലും (ന്യൂഡൽഹി) 2013ലും (പുണെ) ആണ് ഇതിനുമുമ്പ് ഇന്ത്യയിൽ ഏഷ്യൻ ചാമ്പ്യൻഷിപ് നടന്നത്.

ചാമ്പ്യൻഷിപ്പിെൻറ തീയതികൾ സംബന്ധിച്ച തീരുമാനം അടുത്തവർഷം ഫെബ്രുവരിയിൽ ദോഹയിൽ നടക്കുന്ന കൗൺസിൽ യോഗത്തിൽ തീരുമാനിക്കും. 2019ലെ വേദിയായി ദോഹയെയും പ്രഖ്യാപിച്ചു.