റഷ്യന്‍ ഉത്തേജകവിരുദ്ധ ഏജന്‍സിയെ വാഡ സസ്പെന്‍ഡ് ചെയ്തു

കൊളറാഡോ: റഷ്യയിലെ ഉത്തേജകവിരുദ്ധ ഏജന്‍സിയെ (റുസാഡ) ലോക ഉത്തേജകവിരുദ്ധ ഏജന്‍സി (വാഡ) സസ്പെന്‍ഡ് ചെയ്തു. ഒളിമ്പിക്സില്‍നിന്ന് റഷ്യന്‍ അത്ലറ്റുകളെ വിലക്കാനുള്ള സാധ്യതക്ക് ആക്കംകൂട്ടുന്നതാണ് റുസാഡക്കെതിരായ നടപടി. അന്താരാഷ്ട്രമാനദണ്ഡങ്ങള്‍ പാലിക്കാതെയാണ് റുസാഡ പ്രവര്‍ത്തിക്കുന്നതെന്ന് വാഡ നിയോഗിച്ച കമ്മിറ്റി റിപ്പോര്‍ട്ട് നല്‍കിയതിനെ തുടര്‍ന്നാണ് വിലക്ക്. അധികൃതരുടെ ഒത്താശയോടെയുള്ള ഉത്തേജക ഉപയോഗവും പരിശോധനാഫലങ്ങളുടെ അട്ടിമറിയും പുറത്തായതിനെ തുടര്‍ന്ന് കഴിഞ്ഞയാഴ്ച റഷ്യന്‍താരങ്ങള്‍ക്ക് അന്താരാഷ്ട്രമത്സരങ്ങളില്‍നിന്ന് അന്താരാഷ്ട്ര അത്ലറ്റിക് ഫെഡറേഷന്‍ (ഐ.എ.എ.എഫ്) താല്‍ക്കാലിക വിലക്കേര്‍പ്പെടുത്തിയിരുന്നു.