നിരാശപ്പെടുത്തി ഇന്ത്യന്‍ താരങ്ങള്‍

ബെയ്ജിങ്: ഷോട്ട്പുട്ടിലും 20 കി.മീ നടത്തത്തിലും മത്സരിച്ച ഇന്ത്യന്‍ താരങ്ങള്‍ നിരാശപ്പെടുത്തി. പുലര്‍ച്ചെ നടന്ന നടത്ത മത്സരത്തില്‍ ഗുര്‍മീത് സിങ് 35ഉം, ചന്ദന്‍ സിങ് 41ഉം സ്ഥാനത്ത് ഫിനിഷ് ചെയ്തു. പ്രതീക്ഷനല്‍കിയ ബാല്‍ജിന്ദര്‍ സിങ് മത്സരം പൂര്‍ത്തിയാക്കിയില്ല. ഷോട്ട്പുട്ട് യോഗ്യതാ മത്സരത്തില്‍ 20.47 മീറ്റര്‍ എറിഞ്ഞ് എട്ടാമനായി ഫൈനല്‍ റൗണ്ടില്‍ കടന്ന ഇന്ദര്‍ജിത് സിങ് 11ാം സ്ഥാനക്കാരനായി. യോഗ്യതാ റൗണ്ടിലെ പ്രകടനത്തിനൊപ്പം പോലുമത്തൊന്‍ കഴിയാതെപോയ ഇന്ദര്‍ജിത്തിന് 19.52 മീറ്റര്‍ ദൂരം മാത്രമേ എറിയാന്‍ കഴിഞ്ഞുള്ളൂ. സ്വര്‍ണമണിഞ്ഞ അമേരിക്കയുടെ ജോ കൊവാക്സ് 21.93 മീറ്ററും, വെള്ളി നേടിയ ജര്‍മനിയുടെ ഡേവിഡ് സ്റ്റോള്‍ 21.74 മീറ്ററും വെങ്കലം നേടിയ ജമൈക്കയുടെ ഒഡെയ്ന്‍ റിച്ചാര്‍ഡ്സ് 21.69 മീറ്ററും എറിഞ്ഞു.