കെ.എസ്.ആർ.ടി.സി ബസും ബൈക്കും കൂട്ടിയിടിച്ച് സംസ്ഥാന വോളിബാള്‍ താരം മരിച്ചു

ചടയമംഗലം: കെ.എസ്.ആർ.ടി.സി ബസും ബൈക്കും കൂട്ടിയിടിച്ച് സംസ്ഥാന വോളിബാള്‍ താരം മരിച്ചു. വെട്ടിക്കവല കണ്ണംകോട് ഗു രുപുഷ്പത്തിൽ ജയറാമി​​െൻറ മകൻ ജെ.എസ്. ശ്രീറാം (23) ആണ് മരിച്ചത്. ഞായറാഴ്​ച രാത്രി 11ന് ചടയമംഗലം മേടയിൽ സ്കൂൾ ജങ്​ഷന് സമീപമായിരുന്നു അപകടം. വെഞ്ഞാറമൂട് വോളിബാൾ മത്സരം കഴിഞ്ഞ് ശ്രീറാം ബൈക്കിൽ വെട്ടിക്കവലയിലെ വീട്ടിലേക്ക് മടങ്ങ ിവരുന്നവഴിയാണ്​ അപകടം.

തിരുവനന്തപുരം ഭാഗത്തേക്ക് പോയ കെ.എസ്.ആർ.ടി.സി ബസും ശ്രീറാം സഞ്ചരിച്ചിരുന്ന ബൈക്കും കൂട്ടിയിടിക്കുകയായിരുന്നു. മറ്റ് ബൈക്കുകളിൽ പിറകെ വന്ന സുഹൃത്തുക്കൾ ഉടൻതന്നെ കടയ്​ക്കൽ താലൂക്ക് ആശുപത്രിയിൽ എത്തി​​​ച്ചെങ്കിലും രക്ഷിക്കാനായില്ല. കെ.എസ്​.ആർ.ടി.സിയുടെ അശ്രദ്ധയാണ്​ അപകടത്തിന്​ കാരണമെന്ന്​ ചടയമംഗലം പൊലീസ്​ പറഞ്ഞു. ബൈക്ക്​ പൂർണമായും തകർന്നു.

ചടയമംഗലം പൊലീസ് കേസെടുത്ത് മേൽനടപടികൾ സ്വീകരിച്ചു. കടയ്​ക്കൽ താലൂക്ക് ആശുപത്രിയിൽ പോസ്​റ്റ്​മോർട്ടം കഴിഞ്ഞ് മൃതദേഹം ബന്ധുക്കൾക്ക് വിട്ടുകൊടുത്തു. ദേശീയ യൂത്ത് വോളിബാള്‍ ചാമ്പ്യന്‍ഷിപ്പില്‍ കേരളത്തിനായി കളിച്ചിട്ടുണ്ട്. നിലമേല്‍ എന്‍.എസ്.എസ് കോളജ് മൂന്നാം വര്‍ഷ ചരിത്രവിദ്യാർഥിയാണ്​ ശ്രീറാം. ശ്രീലേഖയാണ്​ മാതാവ്​. സഹോദരൻ: ശിവറാം.