ദ്യോകോവിചിന് 700ാം ജയം

ദുബൈ: ലോക ഒന്നാം നമ്പര്‍ നൊവാക് ദ്യോകോവിചിന് കരിയറിലെ 700ാം ജയം. ദുബൈ ചാമ്പ്യന്‍ഷിപ്പിന്‍െറ രണ്ടാം റൗണ്ടില്‍ തുനീഷ്യന്‍ താരം മലെക് ജസീരിയെ 6-1, 6-2ന് വീഴ്ത്തിയാണ് സെര്‍ബിയന്‍ താരം പുതിയ നാഴികക്കല്ല് സ്വന്തമാക്കിയത്. 146 മത്സരങ്ങളിലാണ് ദ്യോകോവിച് തോറ്റിട്ടുള്ളത്. നിലവിലെ താരങ്ങളില്‍ 700 ജയങ്ങള്‍ കടന്ന മൂന്നാം താരമാണ് ദ്യോകോവിച്. റോജര്‍ ഫെഡററും(1067) റാഫേല്‍ നദാലുമാണ് (775) മുന്നില്‍.