ബോക്സിങ്: വികാസ് കൃഷ്ണൻ ക്വാർട്ടറിൽ

റിയോ ഡി ജനീറോ: പുരുഷന്മാരുടെ 75 കിലോ മിഡിൽവെയ്റ്റ് വിഭാഗത്തിൽ ഇന്ത്യയുടെ വികാസ് കൃഷ്ണൻ ക്വാർട്ടർ ഫൈനലിൽ പ്രവേശിച്ചു. തുർക്കിയുടെ സിപൽ ഒാൻഡറിനെ 3-0 ത്തിന് വീഴ്ത്തിയാണ് വികാസ് ഒരു വിജയം അകലെ ഒളിമ്പിക് മെഡൽ ഉറപ്പിച്ചത്.

24 -കാരനായ വികാസ് കൃഷ്ണൻെറ കൗണ്ടർ പഞ്ചുകളോടെയാണ് മത്സരം ആരംഭിച്ചത്. അതിനിടെ തുർക്കിഷ് താരത്തിൻെറ കണ്ണിൽ നിന്നും രക്തസ്രാവം വന്നത് വികാസിന് ആദ്യ റൗണ്ടിൽ പരിപൂര്ണ്ണ മേധാവിത്വം ഉറപ്പിച്ചു. രണ്ടാം റൗണ്ടിൽ തുർക്കിഷ് താരം പ്രതിരോധത്തിലൂന്നിയ മത്സരമാണ് പുറത്തെടുത്തത്. ക്വാർട്ടറിൽ ഉസ്ബെക്കിസ്താൻ  താരം ബെക്തമിർ മെലികുസീവ് ആണ് വികാസിൻെറ എതിരാളി. 2015 ഏഷ്യൻ ചാമ്പ്യൻഷിപ്പിൻെറ ഫൈനലിൽ ഇന്ത്യയെ തോൽപിച്ചയാളാണ് മെലികുസീവ്.