ഇന്ത്യയുടെ ദയനീയ പ്രകടനത്തിന് ഉത്തരവാദി ഒളിമ്പിക് അസോസിയേഷന്‍ –മില്‍ഖ സിങ്

ന്യൂഡല്‍ഹി: റിയോ ഒളിമ്പിക്സിലെ ദയനീയ പ്രകടനത്തിന് ഇന്ത്യന്‍ ഒളിമ്പിക് അസോസിയേഷനാണ് ഉത്തരവാദിയെന്ന് ട്രാക്കിലെ ഇതിഹാസം മില്‍ഖ സിങ്. ഓരോ ഒളിമ്പിക്സ് കഴിയുമ്പോഴും ഇന്ത്യയുടെ പ്രകടനനിലവാരം താഴോട്ടാണെന്നും 1960 റോം ഒളിമ്പിക്സില്‍ മെഡല്‍ നഷ്ടമായ മില്‍ഖ പറഞ്ഞു. ‘സത്യം പറഞ്ഞാല്‍ റിയോയില്‍ ഇന്ത്യ തീര്‍ത്തും ദയനീയമാണ്. മുന്‍ ഒളിമ്പിക്സുകളില്‍ ഇതിലും എത്രയോ ഭേദമായിരുന്നു. സ്വര്‍ണം അടക്കമുള്ള മെഡലുകള്‍ വരെ പിറന്നു. ഏറെ പേരും മികച്ച പ്രകടനവും കാഴ്ചവെച്ചു. നിലവാരം താഴോട്ടുപോവുന്നതിന്‍െറ ഉത്തരവാദിത്തം ഐ.ഒ.എക്കാണ്’ -മില്‍ഖ പറഞ്ഞു.