‘ഒറ്റവെടിയിലല്ല, കൂട്ടവെടിയിലാണ് അമേരിക്ക’

ഷൂട്ടിങ് റേഞ്ചിലൂടെ അമേരിക്ക റിയോ ഒളിമ്പിക്സിലെ ആദ്യ സ്വര്‍ണമണിഞ്ഞപ്പോള്‍ ‘വെടിവെപ്പില്‍’ അമേരിക്കന്‍ പാരമ്പര്യം വിളമ്പി ട്രോളര്‍മാര്‍. അടുത്തിടെ വ്യാപകമായ കൂട്ടക്കൊലകളുമായി വാര്‍ത്തകളില്‍ നിറഞ്ഞ അമേരിക്കക്ക് ഈ ഒറ്റവെടികള്‍ വലിയ വാര്‍ത്തയല്ളെന്ന് ഓര്‍മപ്പെടുത്തുന്നതായിരുന്നു ട്രോളുകള്‍. 19കാരിയായ കോളജ് വിദ്യാര്‍ഥിനി ജിന്നി ത്രാഷര്‍ ഷൂട്ടിങ്ങില്‍ സ്വര്‍ണമണിഞ്ഞപ്പോഴായിരുന്നു അമേരിക്കന്‍ യുവതലമുറയുടെ ‘തോക്ക് ഭ്രാന്തുമായി’ താരതമ്യം ചെയ്തുള്ള ട്രോളുകള്‍ ട്വിറ്ററില്‍ പറന്നത്.