ഏഷ്യന്‍ പവര്‍ ലിഫ്റ്റിങ്; ഇന്ത്യന്‍ ടീമില്‍ കൊല്ലം സ്വദേശിയും

കൊച്ചി: രാജസ്ഥാനിലെ ഉദയ്പൂറില്‍ നടക്കുന്ന ഏഷ്യന്‍ പവര്‍ ലിഫ്റ്റിങ് ചാമ്പ്യന്‍ഷിപ്പില്‍ ജൂനിയര്‍ വിഭാഗത്തില്‍ കൊല്ലം സ്വദേശി യദുരാജ് ഇന്ത്യയെ പ്രതിനിധാനംചെയ്യും. അമൃത സര്‍വകലാശാലയിലെ സ്കൂള്‍ ഓഫ് ആര്‍ട്സ് ആന്‍ഡ് സയന്‍സസിലെ അവസാന വര്‍ഷ ഡിഗ്രി വിദ്യാര്‍ഥിയാണ് യദു. ജൂണ്‍ ഏഴ് മുതല്‍ 12 വരെയാണ് ചാമ്പ്യന്‍ഷിപ്. കഴിഞ്ഞ മാര്‍ച്ചില്‍ ഹിമാചല്‍ പ്രദേശിലാണ് സെലക്ഷന്‍ ട്രയല്‍ നടന്നത്. കേരള സംസ്ഥാന പവര്‍ ലിഫ്റ്റിങ്ങ് അവാര്‍ഡ് ജേതാവ് കൂടിയാണ്് ഈ 22 കാരന്‍.