സീനിയര്‍ ബാസ്കറ്റ് ബാള്‍ പുരുഷ കിരീടം എറണാകുളത്തിന്

കാഞ്ഞങ്ങാട്: കാഞ്ഞങ്ങാട് സൗത് സ്കൂള്‍ ഗ്രൗണ്ടില്‍ നടന്ന സംസ്ഥാന സീനിയര്‍ ബാസ്കറ്റ് ബാള്‍ മത്സരത്തില്‍ പുരുഷ വിഭാഗത്തില്‍ എറണാകുളം ജേതാക്കളായി. വാശിയേറിയ പോരാട്ടത്തിലാണ് എറണാകുളം കോഴിക്കോടിനെ പരാജയപ്പെടുത്തിയത് (സ്കോര്‍ 54-35). നേരത്തെ സീനിയര്‍ വനിതാ വിഭാഗത്തില്‍ തിരുവനന്തപുരം ജില്ലാ ടീമാണ് ചാമ്പ്യന്മാരായത്. രാവിലെ ലുസേഴ്സിനായി നടത്തിയ ഫൈനല്‍ മത്സരത്തില്‍ പുരുഷവിഭാഗത്തില്‍ തിരുവനന്തപുരവും വനിതാ വിഭാഗത്തില്‍ തൃശൂരും മൂന്നാം സ്ഥാനക്കാരായി.