റഗ്‌ബിക്ക്‌ പി.എസ്.സി അംഗീകാരം

കാസർകോട്: കായികയിനമായ റഗ്‌ബിക്ക്‌ പി.എസ്‌.സി അംഗീകാരം. നീണ്ടകാലത്തെ ആവശ്യം പരിഗണിച്ച് സർക്കാർ പി.എസ്.സിക്ക് സമർപ്പിച്ച ശിപാർശക്കും സംസ്ഥാന റഗ്ബി അസോസിയേഷൻ നടത്തിയ പ്രവര്‍ത്തനങ്ങൾക്കുമാണ് ഈ അംഗീകാരം.

2017-18ല്‍ കേരള സ്‌പോര്‍ട്‌സ്‌ കൗണ്‍സില്‍ റഗ്‌ബിയെ അംഗീകരിച്ചിരുന്നു. കേരള ഒളിമ്പിക്‌ അസോസിയേഷന്റെയും അംഗീകാരം ഇതിനുണ്ട്‌. പി.എസ്‌.സി അംഗീകാരംകൂടി കിട്ടിയതോടെ കഴിവു തെളിയിക്കുന്ന റഗ്‌ബി താരങ്ങൾക്ക് സംസ്ഥാന വകുപ്പുകളില്‍ ജോലിക്ക്‌ മുന്‍ഗണന ലഭിക്കും.