30 സെഞ്ച്വറി, 1000 റൺസ്​: ഉജ്ജ്വലം കോഹ്​ലി

കൊളംബോ: ഏകദിനത്തിലെ 30ാം സെഞ്ച്വറിയുമായി വിരാട്​ കോഹ്​ലി മുൻ ആസ്​ട്രേലിയൻ നായകൻ റി​ക്കി പോണ്ടിങ്ങിനൊപ്പമെത്തി. ഇനി മുന്നിലുള്ളത്​ 49 സെഞ്ച്വറി നേടിയ സചിൻ ടെണ്ടുൽക്കറുടെ റെക്കോഡ്​ മാത്രം. 375 മത്സരങ്ങളിൽ നിന്നാണ്​ പോണ്ടിങ്​ 30 ശതകം നേടിയതെങ്കിൽ കോഹ്​ലിക്ക്​ ഇൗ നേട്ടത്തിലെത്താൻ 195 മത്സരം മാത്രം മതിയായി. 30ാം സെഞ്ച്വറിക്കൊപ്പം കലണ്ടർ വർഷത്തിൽ കോഹ്​ലിയുടെ റൺവേട്ട 1000ത്തിലുമെത്തി.