അശ്വിൻ അതിവേഗം 300

ടെസ്​റ്റ്​ ക്രിക്കറ്റിലെ അതിവേഗ വിക്കറ്റ്​ വേട്ടയിൽ മറ്റൊരു റെക്കോഡ്​ കൂടി സ്വന്തമാക്കി ആർ. അശ്വിൻ. ശ്രീലങ്കക്കെതിരായ രണ്ടാം ടെസ്​റ്റിൽ എട്ടുവിക്കറ്റ്​ നേട്ടവുമായി 300 എന്ന നാഴികക്കല്ല്​ ​തൊട്ടപ്പോൾ മാഞ്ഞത്​ ഒാസീസ്​ പേസ്​ ബൗളർ ഡെന്നിസ്​ ലില്ലിയുടെ പേരിലെ റെക്കോഡ്​. 54 ടെസ്​റ്റ്​ മത്സരങ്ങളിലാണ്​ അശ്വി​​െൻറ വിക്കറ്റ്​ വേട്ട ട്രിപ്​ൾ സെഞ്ച്വറി തൊടുന്നത്​. രണ്ട്​ ഇന്നിങ്​സിലുമായി നാല്​ വീതം വിക്കറ്റെടുത്താണ്​ അശ്വിൻ റെക്കോഡ്​ എളുപ്പത്തിൽ എത്തിപ്പിടിച്ചത്​. ലില്ലിയുടെ തന്നെ അതിവേഗ  250 വിക്കറ്റ്​ എന്ന റെക്കോഡ്​ 45 ടെസ്​റ്റിൽ അശ്വിൻ നേടിയിരുന്നു. 48 മത്സരങ്ങളിലായിരുന്നു ലില്ലി 250 തികച്ചത്​. 

അതിവേഗം 300
ആർ. അശ്വിൻ 54 ടെസ്​റ്റ്​ (2017)
ഡെന്നിസ്​ ലില്ലി 56 ടെസ്​റ്റ്​ (1981)
മുത്തയ്യ മുരളീധരൻ 58 ടെസ്​റ്റ്​ (2000)