നദാലി​െൻറ കളിമണ്ണ്​

പാരിസ്​: ഒന്നര പതിറ്റാണ്ട്​ മുമ്പ്​ ഫ്രഞ്ച്​ ഒാപണിൽ ആദ്യമായി ജേതാവായപ്പോൾ റൊളാങ്​ ​ഗാരോസിലെ കളിമണ്ണിൽ മല ർന്നുകിടന്നായിരുന്നു റാഫേൽ നദാൽ എന്ന 19കാര​ൻ വിജയനിമിഷം ആഘോഷിച്ചത്​. വർഷം 15 കഴിഞ്ഞപ്പോഴും അതിൽ മാറ്റമില്ല. അത േ ചുവന്ന മണ്ണിൽ 12ാം കിരീടം സ്വന്തമാക്കിയപ്പോഴും വിജയ​ാഘോഷം അങ്ങനെതന്നെ. 2005ൽ കൈയില്ലാത്ത പച്ചക്കുപ്പായവും നീട്ടിയ മുടിയുമായി വന്ന്​ ഗാലറികൾ കീഴടക്കിയ പയ്യൻ ഇപ്പോൾ കൈയുള്ള പച്ചക്കുപ്പായവും കുറഞ്ഞ മുടിയുമായി അതിലേറെ കാണികളുടെ ആരാധനാപാത്രമായി മടങ്ങുന്നു.

ഒരു ഗ്രാൻഡ്​സ്ലാം ടൂർണമ​െൻറിൽ കൂടുതൽ വിജയം കരസ്ഥമാക്കുന്ന കളിക്കാരൻ എന്ന റെക്കോഡ്​ വർഷങ്ങൾക്കുമുമ്പുതന്നെ നദാൽ സ്വന്തമാക്കിക്കഴിഞ്ഞതാണ്​. നദാലി​​െൻറ 12 ഫ്രഞ്ച്​ ഒാപൺ കിരീടങ്ങൾക്ക്​ അടുത്തുള്ളത്​ റോജർ ഫെഡററുടെ എട്ട്​ വിംബ്​ൾഡൺ ട്രോഫികളാണ്​. 15 ഫ്രഞ്ച്​ ഒാപണുകളിൽ മത്സരിച്ച നദാൽ പരാജയപ്പെട്ടത്​ രണ്ടു​ കളികളിൽ മാത്രം.

2009ൽ പ്രീക്വാർട്ടറിൽ റോബിൻ സോഡർലിങ്ങിനോട്​ തോറ്റ നദാൽ 2015ൽ നൊവാക്​ ദ്യോകോവിച്ചിനോടും പരാജയപ്പെട്ടു. തൊട്ടടുത്ത വർഷം പരിക്കുമൂലം മൂന്നാം റൗണ്ടിൽവെച്ച്​ പിന്മാറുകയും ചെയ്​തു. 93-2 എന്ന അസൂയാവഹമായ റെക്കോഡാണ്​ ഫ്രഞ്ച്​ ഒാപണിൽ സ്​പെയിൻകാര​​േൻറത്​. ആകെ 26 ഗ്രാൻഡ്​സ്ലാം ഫൈനലുകൾ കളിച്ച നദാൽ ഫ്രഞ്ച്​ ഒാപണിലെ 12 കളികളിലും വിജയം കരസ്ഥമാക്കി. ബാക്കി 14 ഫൈനലുകളിൽ ആറെണ്ണം ജയിച്ചപ്പോൾ എ​െട്ടണ്ണത്തിൽ പരാജയമായിരുന്നു ഫലം.

കളിമണ്ണിൽ നദാലിന്​ പകരംവെക്കാൻ ഒന്നര പതിറ്റാണ്ട്​ കഴിഞ്ഞിട്ടും ഒരു താരം വളർന്നുവന്നിട്ടില്ലെന്നതാണ്​ യാഥാർഥ്യം. നിലവിലെ താരങ്ങളിൽ കുറ​െച്ചങ്കിലും വെല്ലുവിളിയുയർത്താൻ കഴിവുള്ള താരമാണ്​ ഫൈനലിൽ തോറ്റ ഡൊമിനിക്​ തീം. കളിമൺ കോർട്ടിൽ നാലു​ തവണ നദാലി​നെ മലർത്തിയടിച്ചിട്ടുള്ള തീമിന്​ പക്ഷേ റൊളാങ്​ ഗാരോസിൽ മൂന്നു തവണയും പരാജയം ഏറ്റുവാങ്ങാനായിരുന്നു വിധി. 2017ൽ സെമിയിലും 2018ൽ ഫൈനലിലും നേരിട്ടുള്ള സെറ്റുകളിൽ തോറ്റപ്പോൾ ഇത്തവണ ഒരു സെറ്റ്​ പിടിച്ചെടുക്കാനായെന്ന്​ ആശ്വസിക്കാമെന്നു​ മാത്രം.