പ്രൈം ​വോ​ളി​ബാ​ൾ ലീ​ഗ്: ഇനി സെമി; ഫുൾ ആവേശം

കൊ​ച്ചി: പ്രൈം ​വോ​ളി​ബാ​ൾ ലീ​ഗി​ൽ വെ​ള്ളി​യാ​ഴ്ച മു​ത​ൽ സെ​മി​ഫൈ​ന​ൽ ആ​വേ​ശം. ഇ​ന്ന് രാ​ത്രി ഏ​ഴി​ന് ന​ട​ക്കു​ന്ന ആ​ദ്യ സെ​മി​യി​ൽ കൊ​ല്‍ക്ക​ത്ത ത​ണ്ട​ര്‍ബോ​ള്‍ട്ട്‌​സ് നാ​ലാം സ്ഥാ​ന​ക്കാ​രാ​യ ബം​ഗ​ളൂ​രു ടോ​ർ​പി​ഡോ​സു​മാ​യി ഏ​റ്റു​മു​ട്ടും. ര​ണ്ടും മൂ​ന്നും സ്ഥാ​ന​ക്കാ​രാ​യ അ​ഹ്മ​ദാ​ബാ​ദ് ഡി​ഫ​ന്‍ഡേ​ഴ്‌​സും കാ​ലി​ക്ക​റ്റ് ഹീ​റോ​സും ത​മ്മി​ൽ ഫൈ​ന​ൽ തേ​ടി പോ​രാ​ടും.

ഞാ​യ​റാ​ഴ്ച വൈ​കീ​ട്ട് ഏ​ഴി​നാ​ണ് ക​ലാ​ശ​ക്ക​ളി. ര​ണ്ടാം സീ​സ​ണി​ലെ മൂ​ന്നാം​ഘ​ട്ട മ​ത്സ​ര​ങ്ങ​ള്‍ അ​വ​സാ​നി​ച്ചു. വ്യാ​ഴാ​ഴ്ച അ​ഹ്മ​ദാ​ബാ​ദ് ഡി​ഫ​ന്‍ഡേ​ഴ്‌​സി​നെ കൊ​ല്‍ക്ക​ത്ത ത​ണ്ട​ര്‍ബോ​ള്‍ട്ട്‌​സ് 3-2ന് ​തോ​ല്‍പി​ച്ചു. സ്‌​കോ​ര്‍: 15-7, 15-4, 15-13, 8-15,15-11. ര​ണ്ടാം സീ​സ​ണി​ല്‍ ഒ​ന്നാ​മ​ന്മാ​രാ​യി ലീ​ഗ് റൗ​ണ്ട് അ​വ​സാ​നി​പ്പി​ച്ചു ത​ണ്ട​ര്‍ബോ​ള്‍ട്ട്‌​സ്. 12 പോ​യ​ന്‍റു​മാ​യി ഇ​വ​ർ ടേ​ബി​ളി​ലും ഒ​ന്നാ​മ​ന്മാ​രാ​യി.

11 പോ​യ​ന്റു​മാ​യി അ​ഹ്മ​ദാ​ബാ​ദ് ര​ണ്ടാം സ്ഥാ​ന​ത്ത് ഫി​നി​ഷ് ചെ​യ്തു. ഈ ​സീ​സ​ണി​ല്‍ ടീം ​മി​ക​ച്ച രീ​തി​യി​ല്‍ ക​ളി​ച്ചു​വെ​ന്നും ക​ളി​ക്കാ​ര്‍ ആ​വേ​ശ​ത്തി​ലാ​ണെ​ന്നും കൊ​ല്‍ക്ക​ത്ത ത​ണ്ട​ര്‍ബോ​ള്‍ട്ടി​ന്‍റെ യൂ​നി​വേ​ഴ്‌​സ​ല്‍ താ​രം വി​നി​ത് കു​മാ​ര്‍ വ്യ​ക്ത​മാ​ക്കി. ഇ​തൊ​രു പ്ര​ധാ​ന​പ്പെ​ട്ട മ​ത്സ​ര​മാ​ണ്, ഫൈ​ന​ലി​ല്‍ സ്ഥാ​നം ഉ​റ​പ്പി​ക്കാ​ന്‍ എ​ല്ലാ​വ​രും പ​ര​മാ​വ​ധി ശ്ര​മി​ക്കു​മെ​ന്ന് ബം​ഗ​ളൂ​രു ടോ​ർ​പി​ഡോ​സി​ന്‍റെ അ​റ്റാ​ക്ക​റാ​യ പ​ങ്ക​ജ് ശ​ര്‍മ പ​റ​ഞ്ഞു.

കാ​ലി​ക്ക​റ്റ് ഹീ​റോ​സി​ന്റെ അ​റ്റാ​ക്ക​റാ​യ മോ​ഹ​ന്‍ ഉ​ക്ര​പാ​ണ്ഡ്യ​നും ക​ടു​ത്ത പോ​രാ​ട്ട​മാ​ണ് സെ​മി​ഫൈ​ന​ലി​ല്‍ പ്ര​തീ​ക്ഷി​ക്കു​ന്ന​ത്. പ്ലേ ​ഓ​ഫി​ല്‍ ഏ​റ്റ​വും മി​ക​ച്ച പ്ര​ക​ട​നം ന​ട​ത്താ​ന്‍ കാ​ത്തി​രി​ക്കു​ക​യാ​ണെ​ന്ന് അ​ദ്ദേ​ഹം പ​റ​ഞ്ഞു. ഫൈ​ന​ലി​ലേ​ക്ക് കൊ​ണ്ടു​പോ​കു​ന്ന ഒ​രു വി​ജ​യ​ത്തി​ലാ​ണ് ശ്ര​ദ്ധ കേ​ന്ദ്രീ​ക​രി​ക്കു​ന്ന​ത്.

എ​ന്തു വി​ല കൊ​ടു​ത്തും മ​ത്സ​രം ജ​യി​ക്ക​ണ​മെ​ന്നും അ​ദ്ദേ​ഹം പ​റ​ഞ്ഞു. ക​ഴി​വു​ക​ളി​ലും ഗെ​യി​മി​ലും വി​ശ്വാ​സ​മു​ണ്ടെ​ന്ന് ഡി​ഫ​ന്‍ഡേ​ഴ്‌​സി​ന്റെ ഡാ​നി​യ​ല്‍ മൊ​താ​സെ​ദി പ​റ​ഞ്ഞു. ടീ​മി​ന് എ​ല്ലാ വ​ഴി​ക​ളി​ലൂ​ടെ​യും പോ​കാ​നു​ള്ള ക​ഴി​വു​ണ്ടെ​ന്ന് മി​ഡി​ല്‍ബ്ലോ​ക്ക​റാ​യ താ​രം പ​റ​യു​ന്നു.