Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightഇഞ്ചോടിഞ്ച് പോരിൽ...

ഇഞ്ചോടിഞ്ച് പോരിൽ അഹ്മദാബാദിന് ജയം

text_fields
bookmark_border
Prime Volleyball League
cancel
camera_alt

അ​ഹ്മ​ദാ​ബാ​ദ്-​ബം​ഗ​ളൂ​രു മ​ത്സ​ര​ത്തി​ൽ​നി​ന്ന്

ബംഗളൂരു: പ്രൈം വോളിബാള്‍ ലീഗിൽ വ്യാഴാഴ്ച നടന്ന ഇഞ്ചോടിഞ്ച് പോരാട്ടത്തിൽ ബംഗളൂരു ടോര്‍പ്പിഡോസിനെ തോൽപിച്ച് അഹ്മദാബാദ് ഡിഫൻഡേഴ്‌സിന് ആദ്യജയം. അഞ്ചാംസെറ്റിലേക്ക് നീണ്ട മത്സരത്തില്‍ 3-2നാണ് അഹ്മദാബാദ് ബംഗളൂരുവിനെ തകര്‍ത്തത്. സ്‌കോര്‍: 14-15, 15-10, 14-15, 15-10, 15-10. ആദ്യ മത്സരത്തില്‍ ഹൈദരാബാദിനോട് തോറ്റ അഹ്മദാബാദ് ജയത്തോടെ രണ്ട് പോയന്റുമായി അക്കൗണ്ട് തുറന്നു. ഇവരുടെ എല്‍.എം മനോജാണ് കളിയിലെ താരം.

കടുത്ത പോരാട്ടത്തിനൊടുവില്‍ ആദ്യ സെറ്റ് നേടിയ ബംഗളൂരുവിനെ രണ്ടാം സെറ്റില്‍ ഡിഫൻഡേഴ്സ് ഒപ്പംപിടിച്ചു. എന്നാല്‍, ലീഡ് വഴങ്ങിയ ശേഷം മൂന്നാം സെറ്റ് ബംഗളൂരു 15-14ന് പിടിച്ചെടുത്തതോടെ കളി ആവേശത്തിലായി. കടുത്ത ആക്രമണവും പ്രതിരോധവുമായി കളം നിറഞ്ഞ അഹ്മദാബാദ് നാലാം സെറ്റ് 15-10ന് അധികം വിയര്‍ക്കാതെ നേടി.

അഞ്ചാം സെറ്റില്‍ ഇരുടീമുകളും 7-7ന് ഒപ്പമെത്തി. തുടര്‍ന്നങ്ങോട്ട് അതിവേഗം എട്ടു പോയന്റുകള്‍കൂടി ചേര്‍ത്ത അഹ്മദാബാദ്, സൂപ്പര്‍ പോയന്റിലൂടെ സെറ്റും വിജയവും സ്വന്തമാക്കി. വെള്ളിയാഴ്ച ലീഗിലെ ഏഴാം മത്സരത്തില്‍ ചെന്നൈ ബ്ലിറ്റ്‌സ് മുംബൈ മീറ്റിയേസിനെ നേരിടും. ആദ്യ മത്സരത്തില്‍ ചെന്നൈ കൊച്ചി ബ്ലൂ സ്‌പൈക്കേഴ്‌സിനെ 3-2ന് തോൽപിച്ചിരുന്നു. സീസണിലെ പുതുമുഖമായ മുംബൈ, കാലിക്കറ്റ് ഹീറോസിനോട് തോല്‍വി വഴങ്ങി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Prime Volleyball League
News Summary - Prime Volleyball League-Hyderabad's first match victory
Next Story