വനിത ഗുസ്തിയിൽ നിഷ ദാഹിയയുടെ കണ്ണീർ

പാരിസ്: വനിത ഗുസ്തി 68 കിലോ ഫ്രീസ്റ്റൈൽ വിഭാഗത്തിൽ ക്വാർട്ടറിൽ മടങ്ങി നിഷ ദാഹിയ. ഉത്തര കൊറിയയുടെ പാക് സോൽ ഗുമിനു മുന്നിലാണ് 8-10ന് താരം തോൽവി സമ്മതിച്ചത്.

മികച്ച ലീഡുമായി നിഷ കളിയിൽ ബഹുദൂരം മുന്നിൽനിൽക്കെ പരിക്കേറ്റ് വീഴുകയായിരുന്നു. പിന്നീട് കളി പുനരാരംഭിച്ചെങ്കിലും താരത്തിന്റെ ദൗർബല്യം അവസരമാക്കി കൊറിയൻ താരം അതിവേഗം പോയന്റുകൾ വാരിക്കൂട്ടി അവസാന നാലിലേക്ക് ടിക്കറ്റെടുക്കുകയായിരുന്നു.