ഇ​ന്ത്യ​യി​ൽ​നി​ന്ന് ആ​ദ്യ​മെ​ത്തി​യ​ത് അ​മ്പെ​യ്ത്തു​കാ​രും തു​ഴ​ച്ചി​ലു​കാ​രും

പാ​രി​സ്: ഒ​ളി​മ്പി​ക്സ് ആ​രം​ഭി​ക്കാ​ൻ അ​ഞ്ച് നാ​ൾ മാ​ത്രം ബാ​ക്കി​യി​രി​ക്കെ ഇ​ന്ത്യ​ൻ താ​ര​ങ്ങ​ൾ ഗെ​യിം​സ് വി​ല്ലേ​ജി​ൽ എ​ത്തി​ത്തു​ട​ങ്ങി. അ​മ്പെ​യ്ത്ത്, തു​ഴ​ച്ചി​ൽ താ​ര​ങ്ങ​ളാ​ണ് ആ​ദ്യ സം​ഘ​ത്തി​ലു​ണ്ടാ​യി​രു​ന്ന​ത്. ഇ​വ​ർ വെ​ള്ളി​യാ​ഴ്ച എ​ത്തി​യ​താ​യി ദൗ​ത്യ​സം​ഘ​ത്ത​ല​വ​ൻ ഗ​ഗ​ൻ നാ​രം​ഗ് അ​റി​യി​ച്ചു. ശ​നി​യാ​ഴ്ച പു​രു​ഷ ഹോ​ക്കി സം​ഘ​വും എ​ത്തും. ഗെ​യിം​സ് വി​ല്ലേ​ജി​ൽ സൗ​ക​ര്യ​ങ്ങ​ൾ പ​രി​ശോ​ധി​ച്ച​താ​യും താ​ര​ങ്ങ​ൾ സ​ന്തു​ഷ്ട​രാ​ണെ​ന്നും അ​ദ്ദേ​ഹം പ​റ​ഞ്ഞു. ഷൂ​ട്ടി​ങ്ങി​ൽ രാ​ജ്യ​ത്തി​ന് ഒ​ളി​മ്പി​ക് മെ​ഡ​ൽ സ​മ്മാ​നി​ച്ച നാ​രം​ഗ് വ്യാ​ഴാ​ഴ്ച​ത​ന്നെ വി​ല്ലേ​ജി​ലെ​ത്തി​യി​രു​ന്നു.

‘ഇ​ന്ത്യ​ൻ ടീ​മി​ലെ മെ​ഡ​ൽ മ​ത്സ​രാ​ർ​ഥി​ക​ളു​ടെ എ​ണ്ണം വ​ർ​ധി​ച്ച് കാ​ണു​ന്ന​തി​ൽ എ​നി​ക്ക് അ​ഭി​മാ​ന​മു​ണ്ട്. ലോ​ക​ത്തി​ലെ ഏ​റ്റ​വും മി​ക​ച്ച അ​ത്‌​ല​റ്റു​ക​ൾ​ക്കെ​തി​രെ തു​ല്യ​രാ​കാ​ൻ മാ​ത്ര​മ​ല്ല, മ​റി​ക​ട​ക്കാ​നും ന​മ്മു​ടെ സം​ഘ​ത്തി​ലെ ഓ​രോ കാ​യി​ക​താ​ര​ത്തി​നും ക​ഴി​വു​ണ്ട്. രാ​ജ്യ​ത്തി​ന് ബ​ഹു​മ​തി​ക​ൾ കൊ​ണ്ടു​വ​രി​ക. ശ​ക്ത​മാ​യ ഒ​രു സം​ഘം ഇ​ന്ത്യ​യെ ഹോ​ട്ട് സീ​റ്റി​ൽ എ​ത്തി​ക്കു​ന്നു.’-​നാ​രം​ഗ് തു​ട​ർ​ന്നു. ഹോ​ക്കി ടീ​മി​ന്റെ അ​ന്തി​മ പ​രി​ശീ​ല​നം നെ​ത​ർ​ല​ൻ​ഡ്സി​ലാ​യി​രു​ന്നു. അ​വി​ടെ​നി​ന്നാ​ണ് പാ​രി​സി​ലേ​ക്ക് പ​റ​ക്കു​ന്ന​ത്. ഇ​ക്കു​റി 117 താ​ര​ങ്ങ​ൾ ഒ​ളി​മ്പി​ക്സി​ൽ ഇ​ന്ത്യ​യെ പ്ര​തി​നി​ധീ​ക​രി​ക്കു​ന്നു​ണ്ട്.