കളരിപ്പയറ്റിൽ ഓവറോൾ; ബാസ്കറ്റ്ബാളിൽ സ്വർണം

പഞ്ച്കുല: ഖേലോ ഇന്ത്യ യൂത്ത് ഗെയിംസിൽ ഇതാദ്യമായി ഉൾപ്പെടുത്തിയ കളരിപയറ്റിൽ കേരളം ഓവറോൾ കിരീടം സ്വന്തമാക്കി. 15 സ്വർണം, 14 വെള്ളി, 17 വെങ്കലം അടക്കം 46 മെഡലുകലാണ് സമ്പാദ്യം. സംസ്ഥാനത്ത് നിന്ന് 89 പേർ മത്സരിച്ചിരുന്നു.

അണ്ടർ-19 ബോയ്സ് ബാസ്കറ്റ്ബാളിലും കേരളം സ്വർണം നേടി. ഇഞ്ചോടിഞ്ച് ഫൈനൽ പോരാട്ടത്തിൽ പഞ്ചാബിനെ 75-74നാണ് തോൽപിച്ചത്. സ്കോർ: 19-17, 18-19, 16-19, 21-19. കേരളത്തിനുവേണ്ടി പ്രണവ് പ്രിൻസ് 31ഉം സി.കെ. അഭിനവ് 15ഉം എസ്. ദീപക് 12ഉം പോയന്റ് നേടി വിജയത്തിൽ നിർണായക പങ്കുവഹിച്ചു.