ലോക ഷൂട്ടിങ് ചാമ്പ്യൻഷിപ്പ്: ഇന്ത്യക്ക് മെഡൽക്കൊയ്ത്ത്

ചാങ്യോൺ (ദക്ഷിണ കൊറിയ): വ്യാഴാഴ്ചയും സ്വർണവുമായി തിളങ്ങിയ ഇന്ത്യ ലോക ഷൂട്ടിങ് ചാമ്പ്യൻഷിപ് മെഡൽപട്ടികയിൽ മുന്നിൽ. മൂന്നു സ്വർണവും നാലു വെള്ളിയും ഒരു വെങ്കലവുമായി എട്ടു മെഡൽ സ്വന്തമാക്കിയ ടീം ആതിഥേയരായ കൊറിയക്കും സെർബിയക്കും മുന്നിലാണ്. അർജുൻ ബബൂട്ട, ഷാഹു തുഷാർ, പാർഥ് മാഖിജ എന്നിവരടങ്ങിയ സഖ്യമാണ് വ്യാഴാഴ്ച ഇന്ത്യക്ക് സ്വർണം സമ്മാനിച്ചത്. കൊറിയയെ 17-15നാണ് ടീം വീഴ്ത്തിയത്.

അർജുനും ഷാഹുവിനും ഇത് രണ്ടാം ലോകകപ്പ് സ്വർണമാണ്. ഇളനില വലവീരൻ, മെഹുലി ഘോഷ്, രമിത എന്നിവർ ചേർന്ന് വെള്ളി നേടിയതായിരുന്നു ഇന്നലെ ടീമിന്റെ രണ്ടാം മെഡൽ. 10 മീറ്റർ എയർ പിസ്റ്റൾ വിഭാഗത്തിൽ പുരുഷ, വനിത ടീമുകളും വെള്ളി നേടി.