പാരാലിമ്പിക്​സ്​: ഹൈജംപിൽ വെള്ളി നേടി ഇന്ത്യയു​െട നിഷാദ്​ കുമാർ

ടോക്യോ: ടോക്യോ പാരാലിമ്പിക്​സിൽ ഇന്ത്യക്ക്​ വീണ്ടും മെഡൽ നേട്ടം. ഹൈ ജംപിൽ നിഷാദ്​ കുമാറാണ്​ ഏഷ്യൻ റെക്കോർഡോടെ മെഡൽ നേടിയത്​. 2.06 മീറ്ററാണ്​ നിഷാദ്​ കുമാർ ചാടിയത്​.

2.15 മീറ്റർ ചാടിയ അമേരിക്കയുടെ റോഡറിക്​ ടൗൺസെൻഡിനാണ്​ സ്വർണം. 2.06 മീറ്റർ ചാടിയ അമേരിക്കയുടെ ഡല്ലസ്​ വൈസിനാണ്​ വെങ്കലം. നിഷാദ്​ കുമാറും ​ഡല്ലസും ഒരേ ഉയരമാണ്​ ചാടിയതെങ്കിലും ആദ്യ അവസരത്തിൽ 2.02 മീറ്റർ പിന്നിട്ടതിനാൽ നിഷാദിന്​ വെള്ളി മെഡൽ സമ്മാനിക്കുകയായിരുന്നു.

പാരാലിമ്പിക്​സിൽ ഇന്ത്യയുടെ രണ്ടാം മെഡൽ നേട്ടമാണിത്​. ടേബിൾ ടെന്നീസിൽ വെള്ളിമെഡൽ നേടിയ ഭവിൻ ബെൻ പ​േട്ടലാണ്​ ഇന്ത്യക്ക്​ ആദ്യ മെഡൽ നേടിത്തന്നത്​. പ്രധാനമന്ത്രി നരേന്ദ്ര മോദി, കോൺഗ്രസ്​ നേതാവ്​ രാഹുൽ ഗാന്ധി അടക്കമുള്ളവർ നിഷാദിന്​ ആശംസകൾ നേർന്നു.