ജം​ഷീ​ല​യു​ടെ ഈ ​ഓ​ട്ടം ദേ​ശീ​യ ഗെ​യിം​സ് ല​ക്ഷ്യ​മി​ട്ട്

കു​ന്നം​കു​ളം: സ്വ​ന്തം ത​ട്ട​ക​ത്തി​ൽ സം​സ്ഥാ​ന മേ​ള വ​ന്നെ​ത്തി​യ​തി​ൽ ദേ​ശീ​യ താ​ര​മാ​യ ജം​ഷീ​ല​ക്ക് ആ​ന​ന്ദം. 2017ലെ ​സം​സ്ഥാ​ന സ്കൂ​ൾ കാ​യി​ക​മേ​ള​യി​ൽ സീ​നി​യ​ർ വി​ഭാ​ഗ​ത്തി​ൽ 400 മീ​റ്റ​ർ ഓ​ട്ട​ത്തി​ൽ ജം​ഷീ​ല സ്വ​ർ​ണം നേ​ടി​യി​രു​ന്നു. 57.9 സെ​ക്ക​ൻ​ഡ് മാ​ത്ര​മെ​ടു​ത്താ​യി​രു​ന്നു കു​തി​പ്പ്.

29ന് ​ഗോ​വ​യി​ൽ ന​ട​ക്കു​ന്ന ദേ​ശീ​യ ഗെ​യിം​സി​ൽ പ​ങ്കെ​ടു​ക്കു​ന്ന ജം​ഷീ​ല​യു​ടെ പ​രി​ശീ​ല​ന​വും കു​ന്നം​കു​ളം സീ​നി​യ​ർ ഗ്രൗ​ണ്ടി​ലെ ഖേ​ലോ ഇ​ന്ത്യ സി​ന്ത​റ്റി​ക് ട്രാ​ക്കി​ലാ​ണ്. റി​ലേ മ​ത്സ​ര​ത്തി​ൽ പ​ങ്കെ​ടു​ക്കാ​നാ​ണ് ജം​ഷീ​ല അ​ട​ങ്ങു​ന്ന കേ​ര​ള ടീം ​യാ​ത്ര​യാ​കു​ന്ന​ത്. എ​രു​മ​പ്പെ​ട്ടി സ്കൂ​ളി​ൽ​നി​ന്ന് കാ​യി​ക അ​ധ്യാ​പ​ക​ൻ സി.​എ. മു​ഹ​മ്മ​ദ് ഹ​നീ​ഫ​യു​ടെ ശി​ക്ഷ​ണ​ത്തി​ൽ പ​രി​ശീ​ലി​ച്ച് ദേ​ശീ​യ ത​ല​ത്തി​ൽ എ​ത്താ​നാ​യ ത​നി​ക്ക് കു​ന്നം​കു​ളം സി​ന്ത​റ്റി​ക് ട്രാ​ക്ക് എ​ന്നും അ​ഭി​മാ​ന​മാ​ണെ​ന്ന് ജം​ഷീ​ല ‘മാ​ധ്യ​മ’​ത്തോ​ട് പ​റ​ഞ്ഞു.

ക​ഴി​ഞ്ഞ ത​വ​ണ ദേ​ശീ​യ ഗെ​യിം​സി​ൽ പ​ങ്കെ​ടു​ത്ത അ​ന്താ​രാ​ഷ്ട്ര നി​ല​വാ​ര​മു​ള്ള ഗു​ജ​റാ​ത്തി​ലെ ഗാ​ന്ധി ന​ഗ​റി​ലെ ഐ.​ഐ.​ടി സി​ന്ത​റ്റി​ക് ട്രാ​ക്കി​ന് സ​മാ​ന​മാ​ണ് കു​ന്നം​കു​ള​ത്തെ സി​ന്ത​റ്റി​ക് അ​തി​വേ​ഗ ട്രാ​ക്കെ​ന്നും രാ​ജ്യ​ത്തി​ന് കാ​യി​ക രം​ഗ​ത്ത് വ​ലി​യ മു​ന്നേ​റ്റം കാ​ഴ്ച്ച​വെ​ക്കാ​ൻ ഖേ​ലോ ഇ​ന്ത്യാ പ​ദ്ധ​തി ഏ​റെ ഗു​ണ​ക​ര​മാ​ണെ​ന്നും ഇ​ത്ത​ര​ത്തി​ലു​ള്ള ട്രാ​ക്കു​ക​ൾ എ​ല്ലാ സ്ഥ​ല​ങ്ങ​ളി​ലും ഉ​ണ്ടാ​വ​ണ​മെ​ന്നും ജം​ഷീ​ല അ​ഭി​പ്രാ​യ​പ്പെ​ട്ടു. ദേ​ശീ​യ ഗെ​യിം​സി​ൽ 400 മീ​റ്റ​ർ റി​ലേ മ​ത്സ​ര​ത്തി​ൽ സ്നേ​ഹ, ഗൗ​രി ന​ന്ദ​ന, ലീ​ന​റ്റ് ജോ​ർ​ജ് എ​ന്നി​വ​രോ​ടൊ​പ്പ​മാ​ണ് പ​ങ്കെ​ടു​ക്കു​ന്ന​ത്.

സം​സ്ഥാ​ന മേ​ള​ക്ക് ഒ​രു​ക്കം ത​കൃ​തി​യാ​യി ന​ട​ക്കു​ന്ന​തി​നി​ട​യി​ലും പ​രി​ശീ​ല​ന​ത്തി​ന് കോ​ച്ച് മു​ഹ​മ്മ​ദ് ഹ​നീ​ഫ​ക്കൊ​പ്പം ക​ളി​ക്ക​ള​ത്തി​ലു​ണ്ട് ജം​ഷീ​ല. പ​ഴ​ഞ്ഞി എം.​ഡി കോ​ള​ജ് ബി​രു​ദ വി​ദ്യാ​ർ​ഥി​നി​യാ​ണ് ജം​ഷീ​ല.