കബഡി ചാമ്പ്യൻഷിപ്പിനിടെ ഗ്യാലറി നിലംപൊത്തി; നൂറുകണക്കിന് പേർക്ക് പരിക്ക് VIDEO

ഹൈദരാബാദ്: ദേശീയ ജൂനിയർ കബഡി ചാമ്പ്യൻഷിപ്പിനിടെ ഗ്യാലറി തകർന്നുവീണ് നൂറുകണക്കിനു പേർക്ക് പരിക്കേറ്റു. തെലങ്കാനയിലെ സൂര്യാപേട്ടിൽ നടന്ന 47-ാമത് ദേശീയ ജൂനിയര്‍ കബഡി ചാമ്പ്യൻഷിപ്പിൻെറ ഉദ്ഘാടന ചടങ്ങിനിടെയാണ് സംഭവം.

കബഡി മത്സരം കാണാൻ തിങ്ങിനിറഞ്ഞ ഗ്യാലറി തന്നെയുണ്ടായിരുന്നു. ഇതിനിടെയാണ് ഗ്യാലറിയുടെ ഒരു ഭാഗം നിലംപൊത്തിയത്. ഇതിൻെറ ദൃശ്യങ്ങൾ പുറത്തുവന്നു.

പരിക്കേറ്റവരെ വിവിധ ആശുപത്രികളിൽ പ്രവേശിപ്പിച്ചു. താത്കാലികമായി കെട്ടിയുണ്ടാക്കിയ ഗ്യാലറി തകരാനുണ്ടായ കാരണം വ്യക്തമായിട്ടില്ല.