ഏ​ഷ്യ​ൻ അ​ത്‍ല​റ്റി​ക്സി​ന് തു​ട​ക്കം; വെങ്കലത്തിൽ അ​ക്കൗ​ണ്ട് തു​റ​ന്ന് ഇ​ന്ത്യ

ബാ​ങ്കോ​ക്: ഏ​ഷ്യ​ൻ അ​ത്‍ല​റ്റി​ക്സ് ചാ​മ്പ്യ​ൻ​ഷി​പ്പി​ന്റെ ആ​ദ്യ ദി​നം മെ​ഡ​ൽ​പ്പ​ട്ടി​ക‍യി​ൽ അ​ക്കൗ​ണ്ട് തു​റ​ന്ന് ഇ​ന്ത്യ. പു​രു​ഷ​ന്മാ​രു​ടെ 10,000 മീ​റ്റ​ർ ന​ട​ത്ത​ത്തി​ൽ അ​ഭി​ഷേ​ക് പാ​ൽ വെ​ങ്ക​ലം നേ​ടി. ജ​പ്പാ​ന്റെ റെ​ൻ ട​സാ​വ​ക്കും (29.18.44) ക​സാ​ഖ്സ്താ​ന്റെ കൊ​യേ​ഷ് കി​മു​താ​യ് ഷ​ദ്റാ​ക്കി​നും (29:31.63) പി​ന്നി​ൽ 29 മി​നി​റ്റ് 33.26 സെ​ക്ക​ൻ​ഡി​ലാ​ണ് അ​ഭി​ഷേ​ക് ഫി​നി​ഷ് ചെ​യ്ത​ത്. മ​റ്റൊ​രു ഇ​ന്ത്യ​ക്കാ​ര​ൻ ഗു​ൽ​വീ​ർ സി​ങ് അ​ഞ്ചാ​മ​നാ​യി. മെ​ഡ​ൽ​പ്ര​തീ​ക്ഷ​യാ​യി​രു​ന്ന ഒ​ളി​മ്പ്യ​ൻ അ​ന്നു റാ​ണി​ക്ക് വ​നി​ത ജാ​വ​ലി​ൻ​ത്രോ​യി​ൽ നാ​ലാം​സ്ഥാ​നം​കൊ​ണ്ട് തൃ​പ്തി​പ്പെ​ടേ​ണ്ടി​വ​ന്നു. ക​ഴി​ഞ്ഞ ത​വ​ണ​ത്തെ വെ​ള്ളി ജേ​ത്രി​യാ​ണ് അ​ന്നു. വ​നി​ത​ക​ളു​ടെ 1500 മീ​റ്റ​റി​ൽ ലി​ലി ദാ​സ് ഏ​ഴാ​മ​താ​യി.

അ​തേ​സ​മ​യം, പു​രു​ഷ​ന്മാ​രു​ടെ 400 മീ​റ്റ​റി​ൽ മ​ല​യാ​ളി​താ​രം മു​ഹ​മ്മ​ദ് അ​ജ്മ​ലും രാ​ജേ​ഷ് ര​മേ​ഷും ഫൈ​ന​ലി​ലെ​ത്തി. ഹീ​റ്റ്സി​ൽ ഇ​രു​വ​രും യ​ഥാ​ക്ര​മം 45.75ഉം 45.91​ഉം സെ​ക്ക​ൻ​ഡി​ലാ​ണ് ഓ​ടി​യെ​ത്തി​യ​ത്. വ​നി​ത​ക​ളി​ൽ ഐ​ശ്വ​ര്യ മി​ശ്ര​യും (53.58) ഫൈ​ന​ലി​ൽ പ്ര​വേ​ശി​ച്ചു. ഡെ​ക്കാ​ത്‍ല​ണി​ൽ ഇ​ന്ത്യ​യു​ടെ തേ​ജ​ശ്വി​ൻ ശ​ങ്ക​ർ ആ​ദ്യ ദി​നം പൂ​ർ​ത്തി​യാ​വു​മ്പോ​ൾ 4124 പോ​യ​ന്റു​മാ​യി ഒ​ന്നാം സ്ഥാ​ന​ത്താ​ണ്.