ബ്രി​ജ് ഭൂ​ഷ​ൺ സി​ങ്ങി​നെ​തി​രായ ലൈംഗികാതിക്രമ ആ​രോ​പ​ണ​ങ്ങ​ളിൽ കായിക മന്ത്രാലയം വിശദീകരണം തേടി

ന്യൂ​ഡ​ൽ​ഹി: റെ​സ്‌​ലി​ങ് ഫെ​ഡ​റേ​ഷ​ൻ ഓ​ഫ് ഇ​ന്ത്യ പ്ര​സി​ഡ​ന്റും ബി.​ജെ.​പി എം.​പിയുമാ​യ ബ്രി​ജ് ഭൂ​ഷ​ൺ സി​ങ്ങി​നെ​തി​രെയുള്ള അ​ന്താ​രാ​ഷ്ട്ര താ​ര​ങ്ങ​ളുടെ ഗു​രു​ത​ര ആ​രോ​പ​ണ​ങ്ങ​ളിൽ വിശദീകരണം തേടി. കേന്ദ്ര കായിക മന്ത്രാലയമാണ് റെ​സ്‌​ലി​ങ് ഫെ​ഡ​റേ​ഷ​നോട് വിശദീകരണം തേടിയത്. 72 മണിക്കൂറിനകം വിശദീകരണം നൽകണമെന്നാണ് മന്ത്രാലയത്തിന്‍റെ നിർദേശം.

ബു​ധ​നാ​ഴ്ച ജ​ന്ത​ർ മ​ന്തി​റി​ൽ ന​ട​ത്തിയ ധ​ർ​ണയിലാണ് ബ്രി​ജ് ഭൂ​ഷ​ൺ സി​ങ്ങി​ൽ നി​ന്ന് ലൈം​ഗി​കാ​തി​ക്ര​മ​വും വ​ധ​ഭീ​ഷ​ണി​യു​മു​ണ്ടാ​യെ​ന്ന് അ​ന്താ​രാ​ഷ്ട്ര താ​ര​ങ്ങൾ വ്യ​ക്ത​മാ​ക്കിയത്. ഒ​ളി​മ്പി​ക് മെ​ഡ​ൽ ജേ​താ​ക്ക​ളാ​യ ബ​ജ്റം​ഗ് പൂ​നി​യ, സാ​ക്ഷി മാ​ലി​ക്, ലോ​ക ചാ​മ്പ്യ​ൻ​ഷി​പ് മെ​ഡ​ലി​സ്റ്റ് വി​നേ​ഷ് ഫോ​ഗ​ട്ട്, സ​രി​ത മോ​ർ, സം​ഗീ​ത ഫോ​ഗ​ട്ട്, സ​ത്യ​വ​ർ​ത് മാ​ലി​ക്, ജി​തേ​ന്ദ​ർ കി​ൻ​ഹ തു​ട​ങ്ങി 30 ഓ​ളം താ​ര​ങ്ങ​ളാ​ണ് പ്ര​തി​ഷേ​ധി​ച്ച​ത്.

2021ലെ ​ടോ​ക്യോ ഒ​ളി​മ്പി​ക്സി​നു ​ശേ​ഷം പ്ര​ധാ​ന​മ​ന്ത്രി​യോ​ട് ബ്രി​ജ് ഭൂ​ഷ​ണി​ന്റെ പെ​രു​മാ​റ്റ​ത്തെ​ക്കു​റി​ച്ച് പ​റ​ഞ്ഞി​രു​ന്ന​താ​യി ബ​ജ്റം​ഗ് പൂ​നി​യ മാ​ധ്യ​മ​പ്ര​വ​ർ​ത്ത​ക​രോ​ട് വ്യ​ക്ത​മാ​ക്കി.

ബ്രി​ജ് ഭൂ​ഷ​ൺ താ​ര​ങ്ങ​ൾ​ക്ക് നേ​രെ ലൈം​ഗി​കാ​തി​ക്ര​മം ന​ട​ത്തി​യി​ട്ടു​ണ്ടെ​ന്ന് ഏ​ഷ്യ​ൻ ഗെ​യിം​സി​ലും കോ​മ​ൺ വെ​ൽ​ത്ത് ഗെ​യിം​സി​ലും മെ​ഡ​ൽ നേ​ടി​യ ആ​ദ്യ ഇ​ന്ത്യ​ൻ വ​നി​ത താ​രം കൂ​ടി​യാ​യ വി​നേ​ഷ് പ​റ​ഞ്ഞു. കോ​മ​ൺ വെ​ൽ​ത്ത് ഗെ​യിം​സി​ന് മു​മ്പ് ട്ര​യ​ൽ​സി​ൽ പ​ങ്കെ​ടു​ക്കാ​ൻ നി​ർ​ബ​ന്ധി​ച്ചു. അ​ങ്ങ​നെ​യാ​ണ് പ​രി​ക്കേ​ൽ​ക്കു​ന്ന​തെ​ന്നും താ​രം ക​ണ്ണീ​രോ​ടെ പ​റ​ഞ്ഞു.

ഭൂ​ഷ​ണും പ​ല പ​രി​ശീ​ല​ക​രും ക്യാ​മ്പി​ലെ 20 ഓ​ളം പെ​ൺ​കു​ട്ടി​ക​ൾ​ക്ക് നേ​രെ ലൈം​ഗി​ക അ​തി​ക്ര​മം ന​ട​ത്തി. വ​നി​ത പ​രി​ശീ​ല​ക​രെ​പ്പോ​ലും ഇ​വ​ർ വെ​റു​തെ വി​ട്ടി​ല്ലെ​ന്നും പ​രാ​തി​പ്പെ​ടാ​ൻ പെ​ൺ​കു​ട്ടി​ക​ൾ​ക്ക് പേ​ടി​യാ​ണെ​ന്നും വി​നേ​ഷ് കൂ​ട്ടി​ച്ചേ​ർ​ത്തു. പ്ര​സി​ഡ​ന്റി​ന്റെ സ്വേ​ച്ഛാ​ധി​പ​ത്യം വെ​ച്ചു​പൊ​റു​പ്പി​ക്കി​ല്ലെ​ന്നും താ​ര​ങ്ങ​ൾ പ്ര​ഖ്യാ​പി​ച്ചു.

അ​തേ​സ​മ​യം, ആ​രോ​പ​ണ​ങ്ങ​ൾ നി​ഷേ​ധി​ച്ച ബ്രി​ജ് ഭൂ​ഷ​ൺ ഏ​ത​ന്വേ​ഷ​ണ​വും നേ​രി​ടാ​ൻ ത​യാ​റാ​ണെ​ന്ന് വ്യ​ക്ത​മാ​ക്കി. ലൈം​ഗി​കാ​തി​ക്ര​മം തെ​ളി​യി​ക്ക​പ്പെ​ട്ടാ​ൽ താ​ൻ സ്വ​യം തൂ​ക്കി​ലേ​റു​മെ​ന്നും ബ്രി​ജ് ഭൂ​ഷ​ൺ പ​റ​ഞ്ഞു.