സോളമൻ തോമസിന് സംസ്ഥാന പവർലിഫ്റ്റിങ് ചാമ്പ്യൻഷിപ്പിൽ സ്വർണം

കോട്ടയം: കണ്ണൂരിൽ നടന്ന 23ാമത് കേരള സ്റ്റേറ്റ് മെൻ ആൻഡ് വുമൺ ക്ലാസിക് പവർലിഫ്റ്റിങ് ചാമ്പ്യൻഷിപ്പിൽ സോളമൻ തോമസിന് സ്വർണം. മാസ്റ്റേഴ്സ് -2, 93 കിലോ വിഭാഗത്തിലാണ് കോട്ടയം ജില്ലയെ പ്രതിനിധീകരിച്ച് മത്സരിച്ച സോളമൻ തോമസ് ഒന്നാമതെത്തിയത്.

കഴിഞ്ഞ വർഷം ആലപ്പുഴയിൽ കേരള സ്റ്റേറ്റ് ക്ലാസിക് ബെഞ്ച് പ്രസ്സ് മത്സരത്തിൽ സ്വർണം നേടിയിരുന്നു. ഫോർട്ടുകൊച്ചിയിൽ നടന്ന കേരള സ്റ്റേറ്റ് ക്ലാസിക് പവർലിഫ്റ്റിങ് ചാമ്പ്യൻഷിപ്പിൽ വെള്ളി മെഡലും നേടിയിരുന്നു. കൂടാതെ കഴിഞ്ഞ ഒക്ടോബറിൽ നടന്ന കോട്ടയം ജില്ലാ പഞ്ചഗുസ്തി ചാമ്പ്യൻഷിപ്പിൽ ഗ്രാൻഡ് മാസ്റ്റർ 100 കിലോ വിഭാഗത്തിലും സ്വർണ കരസ്തമാക്കിയിരുന്നു.

പവർലിഫ്റ്റിങ് ദേശീയ ചാമ്പ്യൻ ബിജിൻ സാങ്കി തിരുവനന്തപുരമാണ് പരിശീലകൻ. കോട്ടയം കളത്തിൽപടിയിലെ സോളമൻസ് ജിമ്മിന്റെ ഉടമയും കൂടിയാണ് 51 കാരനായ സോളമൻ തോമസ്

കളത്തിപ്പടി കണ്ണംപള്ളിയിൽ പരേതനായ കെ.സി. തോമസിന്റെയും ശോശാമ്മയുടെയും മകനാണ്. അമേയന്നൂർ പാറയിൽ പി.ടി.ഏബ്രഹാമിന്റെയും അന്നമ്മയുടെയും മകൾ ക്രിസ്റ്റി ആണ് ഭാര്യ. ബി.സി.എം കോളജ് മൂന്നാം വർഷം വിദ്യാർഥിനി സൂസനും, ഗിരിദീപം സ്കൂൾ പ്ലസ്ടു വിദ്യാർഥി ഗബ്രിയേലും ആണ് മക്കൾ.