പ്രൈം വോളി: കാലിക്കറ്റ്‌ ഹീറോസ്‌ ഫൈനലിൽ

ചെന്നൈ: പ്രൈം വോളിബാൾ ലീഗിൽ കാലിക്കറ്റ്‌ ഹീറോസ്‌ ഒന്നാംസ്ഥാനക്കാരായി ഫൈനലിൽ. സൂപ്പർ ഫൈവിൽ ഡൽഹി തൂഫാൻസിനെ മുംബൈ മിറ്റിയോഴ്‌സ്‌ കീഴടക്കിയതാണ് ഹീറോസിന് തുണയായത്.

മുംബൈ പ്ലേഓഫ്‌ കാണാതെ മടങ്ങി. തൂഫാൻസിനെ നാലു സെറ്റ്‌ പോരാട്ടത്തിലാണ്‌ മുംബൈ കീഴടക്കിയത്‌. സ്കോർ: 15-11, 12-15, 15-12, 17-15. ഷമീമാണ്‌ കളിയിലെ താരം. മുംബൈയോട്‌ തോറ്റെങ്കിലും ഡൽഹി എലിമിനേറ്റർ ഉറപ്പാക്കി. അഞ്ചു ടീമുകളിൽ ആദ്യ മൂന്നു ടീമുകൾക്കാണ്‌ യോഗ്യത.

ചൊവ്വാഴ്‌ചയാണ്‌ എലിമിനേറ്റർ മത്സരം. ഡൽഹി തൂഫാൻസ് മൂന്നാം സ്ഥാനക്കാരെ നേരിടും.