Begin typing your search above and press return to search.
exit_to_app
exit_to_app
Homechevron_rightSportschevron_rightOther Gameschevron_rightമരണത്തെ മുഖാമുഖം കണ്ട...

മരണത്തെ മുഖാമുഖം കണ്ട അനുഭവം പറയുന്ന​ നീരജ് ചോപ്രയുടെ വിഡിയോ വൈറൽ

text_fields
bookmark_border
neeraj chopra experiance
cancel

ന്യൂഡൽഹി: ഇന്ത്യൻ കായിക രംഗത്തെ പുത്തൻ താരോദയമാണ്​ ഒളിമ്പിക്​ സ്വർണമെഡൽ ജേതാവ്​ നീരജ്​ ചോപ്ര. ഒളിമ്പിക്​സിൽ അതുല്യനേട്ടം സ്വന്തമാക്കിയ ശേഷം വീരോചിത വരവേൽപ്പാണ്​ താരത്തിന്​ എല്ലായിടത്തു നിന്നും ലഭിക്കുന്നത്​.

ജാവലിൻ ത്രോ താരമായ നീരജ്​ അടുത്തിടെ ഒരു ടെലിവിഷൻ പരിപാടിയിൽ പറഞ്ഞ അനുഭവ കഥയാണ്​ ഇപ്പോൾ സോഷ്യൽ മീഡിയയിൽ വൈറലാകുന്നത്​. ഒരു വിമാനയാത്രക്കിടെ മരണത്തെ മുഖാമുഖം കണ്ട അനുഭവം ബോളിവുഡ്​ ഇതിഹാസം അമിതാഭ്​ ബച്ചൻ അവതാരകനായെത്തുന്ന 'കോൻ ബനേഗ ക്രോർപതി' ക്വിസ്​ ഷോയിലുടെയാണ്​ നീരജ്​ വിവരിച്ചത്​.

അബൂദബിയിൽ നിന്ന്​ ഫ്രാങ്ക്​ഫുർട്ടിലേക്ക്​ പറന്ന വിമാനമാണ്​ യാത്രാമധ്യേ നിയന്ത്രണം നഷ്​ടമായി താഴേക്ക്​ ​വീഴാനൊരുങ്ങിയത്​. എന്നാൽ വൈകാതെ തന്നെ നിയന്ത്രണം ലഭിച്ചതിനാൽ വൻ ദുരന്തം ഒഴിവാകുകയായിരുന്നു. വിമാനം താഴേക്ക്​ പോയപ്പോൾ അകത്തുണ്ടായ സംഭവവികാസങ്ങൾ താരം ഓർത്തെടുത്തു. ഹെഡ്​ഫോൺ വെച്ചിരുന്നതിനാൽ തന്‍റെ ചുറ്റും നടക്കുന്ന കാര്യങ്ങൾ നീരജ്​ വൈകിയാണറിഞ്ഞത്​. ഹെഡ്​ഫോൺ മാറ്റിയപ്പോൾ കുഞ്ഞുങ്ങളും മുതിർന്നവരും അലമുറയിട്ട്​ കരയുകയായിരുന്നു.

'അലമുറയിട്ടിട്ട്​ എന്ത്​ പ്രയോജനം. അത് വേണമെങ്കിൽ താഴേക്ക് പോകും, ആർക്കും തടയാൻ കഴിയില്ല' - നീരജ്​ അടുത്തുണ്ടായിരുന്ന ഫിസിയോയോട്​ പറഞ്ഞു. കൗതുകകരമായ കഥയും ഭീതിജനകമായ അനുഭവത്തോടുമുള്ള നീരജിന്‍റെ പ്രതികരണവും ചെറുപ്പത്തിൽ അദ്ദേഹം കാണിച്ച പക്വതയും ശാന്തതയെയും അഭിനന്ദിക്കുകയാണ്​ ആരാധകർ.

ടോക്യോ ഒളിമ്പിക്​സിൽ പുരുഷ വിഭാഗം ജാവലിൻത്രോയിൽ 87.58 മീറ്റർ ദൂരം ജാവലിൻ പായിച്ചാണ്​ നീരജ്​ ചരിത്രം കുറച്ചത്​. അത്​ലറ്റിക്​സിൽ സ്വർണം സ്വന്തമാക്കുന്ന ആദ്യ ഇന്ത്യൻ താരമായി നീരജ്​ മാറിയിരുന്നു.

Show Full Article
TAGS:Neeraj Chopra Experience viral video 
News Summary - Olympic gold medalist Neeraj Chopra's near-death experience story went viral
Next Story