ഇതാ ഇന്ത്യയുടെ 90 കിഡ്

ഒ​ളി​മ്പി​ക്സും ലോ​ക ചാ​മ്പ്യ​ൻ​ഷി​പ്പും മു​ത​ൽ കോ​മ​ൺ​വെ​ൽ​ത്തും ഏ​ഷ്യ​ൻ ഗെ​യിം​സും ഉ​ൾ​പ്പെ​ടെ പോ​രാ​ട്ട​ങ്ങ​ളി​ൽ പൊ​ന്ന​ണി​ഞ്ഞ​പ്പോ​ഴെ​ല്ലാം പി​ടി​ത​രാ​തെ അ​ക​ന്നു​നി​ന്ന 90 മീ​റ്റ​ർ എ​ന്ന മാ​​ന്ത്രി​ക ദൂ​രം ഒ​ടു​വി​ൽ നീ​ര​ജ് ചോ​പ്ര​യു​ടെ ജാ​വ​ലി​ൻ കീ​ഴ​ട​ക്കി. ടോ​ക്യോ ഒ​ളി​മ്പി​ക്സി​ലെ സ്വ​ർ​​ണ​നേ​ട്ട​ത്തി​നു പി​ന്നാ​ലെ നീ​ര​ജ് ഏ​റ്റ​വും കൂ​ടു​ത​ൽ എ​തി​രി​ട്ട ചോ​ദ്യ​വും ആ 90 ​മീ​റ്റ​ർ ക​ട​മ്പ​യാ​യി​രു​ന്നു. ദോ​ഹ ഡ​യ​മ​ണ്ട് ലീ​ഗി​ൽ മ​ത്സ​രി​ക്കാ​നെ​ത്തി​യ ക​ഴി​ഞ്ഞ ര​ണ്ടു​വ​ർ​ഷ​ങ്ങ​ളി​ലെ പ്രീ​മാ​ച്ച് വാ​ർ​ത്ത​സ​മ്മേ​ള​ന​ത്തി​ലും അ​താ​വ​ർ​ത്തി​ച്ചു. ഒ​ടു​വി​ൽ, എ​ല്ലാ ചോ​ദ്യ​ങ്ങ​ൾ​ക്കും ഖ​ത്ത​ർ സ്​​പോ​ർ​ട്സ് ക്ല​ബ് വേ​ദി​യി​ലെ മൈ​താ​ന​ത്ത് ഒ​​രൊ​റ്റ ഏ​റി​ൽ നീ​ര​ജ് മ​റു​പ​ടി ന​ൽ​കി.

ഇ​ന്ത്യ​ൻ അ​ത്‍ല​റ്റി​ക്സി​ലെ ഇ​തി​ഹാ​സ​മാ​യ നീ​ര​ജി​ന്റെ 90.23 മീ​റ്റ​ർ എ​ന്ന ച​രി​ത്ര​ത്തി​ലേ​ക്കു​ള്ള ​ബി​ഗ് ത്രോ​ക്ക് സാ​ക്ഷ്യം വ​ഹി​ക്കാ​നു​ള്ള ഭാ​ഗ്യം ദോ​ഹ​ക്കാ​യി​രു​ന്നു. വി​ദേ​ശ​ങ്ങ​ളി​ൽ ഏ​റെ ഇ​ഷ്ട​മു​ള്ള മ​ത്സ​ര​വേ​ദി​യെ​ന്ന് 27കാ​ര​ൻ പ​ല​കു​റി വെ​ളി​പ്പെ​ടു​ത്തി​യ സ്​​പോ​ർ​ട്സ് ക്ല​ബി​ന്റെ ന​ടു​മു​റ്റ​ത്ത് ജാ​വ​ലി​നു​മാ​യി കു​തി​ക്കു​മ്പോ​ൾ ഗാ​ല​റി​യി​ൽ ത്രി​വ​ർ​ണ പ​താ​ക​യും ഉ​ച്ച​ത്തി​ൽ ഉ​യ​ർ​ന്ന ബാ​ൻ​ഡ് വാ​ദ്യ​വും അ​ക​മ്പ​ടി​യാ​യി. ആ​ദ്യ റൗ​ണ്ടി​ൽ​ത​ന്നെ 88.44 മീ​റ്റ​റി​ലേ​ക്ക് ജാ​വ​ലി​ൻ പാ​യി​ച്ചു​കൊ​ണ്ട് ക​രു​ത്ത​റി​യി​ച്ചു. കാ​ണാ​ൻ പോ​വു​ന്ന പൂ​ര​ത്തി​ന്റെ സാ​മ്പ്ൾ വെ​ടി​ക്കെ​ട്ട്. ര​ണ്ടാം ശ്ര​മം ഫൗ​ളി​ൽ ക​ലാ​ശി​ച്ച​പ്പോ​ൾ, മൂ​ന്നാം ശ്ര​മം പെ​ർ​ഫെ​ക്ട്. വ​ല​തു കൈ​യി​ൽ മു​റു​കെ പി​ടി​ച്ച്, ചു​വ​ടു​ക​ൾ ക​രു​ത്തോ​ടെ നി​ല​ത്തു​റ​പ്പി​ച്ച റ​ണ്ണ​പ്പു​ക​ൾ​​ക്കൊ​ടു​വി​ൽ സ​ർ​വ​ശ​ക്തി​യും കൈ​ക്ക​രു​ത്തി​ൽ ആ​വാ​ഹി​ച്ച് തൊ​ടു​ത്ത ജാ​വ​ലി​ൻ കാ​റ്റി​നെ​യും ഭേ​ദി​ച്ച് കു​തി​ച്ചു​പാ​ഞ്ഞ് പ​തി​ച്ച​ത് മൈ​താ​ന​ത്തെ 90 മീ​റ്റ​ർ മാ​ർ​ക്കി​നും അ​പ്പു​റ​ത്ത്. ഒ​രി​ക്ക​ൽ​കൂ​ടി ഗ്രൗ​ണ്ടി​ലേ​ക്ക് നോ​ക്കി, ദൂ​രം ഉ​റ​പ്പി​ച്ച്, ഇ​രു​കൈ​ക​ളും ആ​കാ​ശ​ത്തേ​ക്കു​യ​ർ​ത്തി ‘മി​ഷ​ൻ 90’ വി​ജ​യ​ത്തി​ന്റെ ആ​ഹ്ലാ​ദം. ഗ്രൗ​ണ്ടി​ലെ സ്ക്രീ​ൻ ബോ​ർ​ഡി​ൽ ദൂ​രം തെ​ളി​ഞ്ഞ​തി​നു പി​ന്നാ​ലെ ആ​ദ്യം അ​ഭി​ന​ന്ദി​ക്കാ​നെ​ത്തി​യ​ത് എ​തി​രാ​ളി​ക​ളാ​യ യൂ​ലി​യാ​ൻ വെ​ബ​റും ആ​ൻ​ഡേ​ഴ്സ​ൺ പീ​റ്റേ​ഴ്സും, ഇ​ന്ത്യ​ക്കാ​ര​ൻ കി​ഷോ​ർ ജെ​ന​യും ഉ​ൾ​പ്പെ​ടെ സ​ഹ​താ​ര​ങ്ങ​ൾ.

പി​ന്നീ​ടു​ള്ള നീ​ര​ജി​ന്റെ ഏ​റു​ക​ൾ 80.56, 88.20 മീ​റ്റ​ർ എ​ന്നി​ങ്ങ​നെ അ​വ​സാ​നി​ച്ചു. അ​ഞ്ചാം റൗ​ണ്ടി​ലെ ഏ​റ് ഫൗ​ളു​മാ​യി. എ​ന്നാ​ൽ, ഒ​പ്പം മ​ത്സ​രി​ച്ച യൂ​ലി​യ​ൻ വെ​ബ​ർ ഓ​രോ ശ്ര​മ​ത്തി​ലും പ്ര​ക​ട​നം മെ​ച്ച​പ്പെ​ടു​ത്തി​​ക്കൊ​ണ്ട് മു​ന്നേ​റി​യ​ത് മ​ത്സ​ര​ത്തെ ആ​വേശ​ത്തി​ലെ​ത്തി​ച്ചു. 83.82 മീ​റ്റ​റാ​യി​രു​ന്നു ആ​ദ്യ ശ്ര​മ​ത്തി​ലെ ദൂ​രം. അ​ഞ്ചാം ശ്ര​മ​ത്തി​ൽ 89.84 മീ​റ്റ​റും, അ​വ​സാ​ന ശ്ര​മ​ത്തി​ൽ 91.06 മീ​റ്റ​റും ക​ണ്ടെ​ത്തി യൂ​ലി​യ​ൻ വെ​ബ​ർ നീ​ര​ജി​നെ മ​റി​ക​ട​ന്ന്, ഡ​യ​മ​ണ്ട് ലീ​ഗ് ഒ​ന്നാം സ്ഥാ​ന​ത്തി​ന് അ​ർ​ഹ​നാ​യി. ഇ​തോ​ടെ നീ​ര​ജ് ര​ണ്ടാം സ്ഥാ​ന​ത്തേ​ക്ക് പി​ന്ത​ള്ള​പ്പെ​ട്ടു. വെ​ബ​റും 90 മീ​റ്റ​ർ ക്ല​ബി​ലെ​ത്തു​ന്ന​ത് ആ​ദ്യ​മാ​യാ​ണ്.

പാ​രു​ൾ ചൗ​ധ​രി​ക്ക് ​ദേ​ശീ​യ റെ​ക്കോ​ഡും ലോ​ക ചാ​മ്പ്യ​ൻ​ഷി​പ് യോ​ഗ്യ​ത​യും

3000 മീ​റ്റ​ർ സ്റ്റീ​പ്ൾ ചേ​സി​ൽ ആ​റാ​മ​താ​യി ഫി​നി​ഷ് ചെ​യ്ത ഇ​ന്ത്യ​യു​ടെ പാ​രു​ൾ ചൗ​ധ​രി​ക്ക് ദേ​ശീ​യ റെ​ക്കോ​ഡും ലോ​ക ചാ​മ്പ്യ​ൻ​ഷി​പ് യോ​ഗ്യ​ത​യും. ര​ണ്ടു വ​ർ​ഷം മു​മ്പ് കു​റി​ച്ച സ്വ​ന്തം റെ​ക്കോ​ഡി​നെ​യാ​ണ് 9 മി. 13.39 ​സെ. എ​ന്ന പു​തി​യ സ​മ​യ​വു​മാ​യി പാ​രു​ൾ തി​രു​ത്തി​യ​ത്. സെ​പ്റ്റം​ബ​റി​ൽ ടോ​ക്യോ​യി​ൽ ന​ട​ക്കു​ന്ന ലോ​ക ചാ​മ്പ്യ​ൻ​ഷി​പ്പി​നും യോ​ഗ്യ​ത ഉ​റ​പ്പി​ച്ചു. 5000 മീ​റ്റ​റി​ൽ മ​ത്സ​രി​ച്ച ഗു​ൽ​വീ​ർ സി​ങ് ഒ​മ്പ​താം സ്ഥാ​ന​ത്തും, ജാ​വ​ലി​ൻ ത്രോ​യി​ൽ ​കി​ഷോ​ർ ജെ​ന എ​ട്ടാ​മ​തു​മാ​യി.