ദേശീയ ജൂനിയർ മീറ്റ്: കിരണിന് റെക്കോഡ്; ഹനാനും സ്വർണം

ഗുവാഹതി: ദേശീയ ജൂനിയർ അത്‍ലറ്റിക് മീറ്റിന്റെ മൂന്നാം ദിനം കേരളത്തിന് രണ്ടു സ്വർണവും ഓരോ വെള്ളിയും വെങ്കലവും. അണ്ടർ 16 ആൺ 80 മീറ്റർ ഹർഡ്ൽസിൽ 10.61 സെക്കൻഡിൽ ഫിനിഷ് ചെയ്ത കേരള താരം കെ. കിരൺ മീറ്റ് റെക്കോഡിട്ടു. അണ്ടർ 20 ആൺ 110 മീ. ഹർഡ്ൽസിൽ മുഹമ്മദ് ഹനാനും സ്വർണം നേടി.

അണ്ടർ 18 പെൺ ഹാമർത്രോയിൽ ആൻ മരിയ വെള്ളിയും അണ്ടർ 16 ആൺ ഹൈജംപിൽ ദേവക് ഭൂഷൺ വെങ്കലവും സ്വന്തമാക്കി. ഇതോടെ കേരളത്തിന് ആറു സ്വർണവും രണ്ടുവീതം വെള്ളിയും വെങ്കലവുമായി.