ഹിമ സെമിയിൽ; മഞ്ജു ഫൈനലിൽ

വനിതകളുടെ 200 മീറ്ററിൽ ഇന്ത്യയുടെ ഹിമ ദാസ് സെമി ഫൈനലിൽ പ്രവേശിച്ചു. തന്റെ ഹീറ്റിൽ 23.42 സെക്കൻഡിൽ ഒന്നാമതായാണ് ഹിമ ഫിനിഷ് ചെയ്തത്. ആറ് ഹീറ്റിൽ നിന്നുമായി ഏറ്റവും മികച്ച 16 പേർക്കാണ് സെമി ടിക്കറ്റ്. ആകെ പ്രകടനം എടുക്കുമ്പോൾ ഏഴാമതാണ് ഹിമ.

അതേസമയം, വനിതകളുടെ ഹാമർ ത്രോയിൽ ഇന്ത്യയുടെ മഞ്ജു ബാല ഫൈനലിൽ കടന്നു. 59.68 മീറ്റർ എറിഞ്ഞ് 13ാമതായാണ് മെഡൽ മത്സരത്തിന് യോഗ്യത നേടിയത്. സഹതാരം സരിത സിങ് (57.48) 13ാം സ്ഥാനക്കാരിയായി ഫൈനലിലെത്താതെ മടങ്ങി.