Begin typing your search above and press return to search.
exit_to_app
exit_to_app
Homechevron_rightSportschevron_rightOther Gameschevron_rightഫ്രഞ്ച്​ ഓപണിൽ നാല്​...

ഫ്രഞ്ച്​ ഓപണിൽ നാല്​ പതിറ്റാണ്ടിന്​ ശേഷം ചെക്ക്​ വിപ്ലവം; കിരീടത്തിൽ മുത്തമിട്ട്​ ബർബോറ ക്രെച്ചിക്കോവ

text_fields
bookmark_border
Barbora Krejcikova
cancel

പാരിസ്: ഫ്രഞ്ച് ഓപൺ വനിത സിംഗിൾസ് കിരീടം ചെക്ക് റിപ്പബ്ലിക്ക് താരം ബർബോറ ക്രെച്ചിക്കോവക്ക്​. ഫൈനലിൽ റഷ്യയുടെ അനസ്തസിയ പവ്​ലിയുചെങ്കോവയെ തോൽപ്പിച്ചാണ് ക്രെച്ചിക്കോവ ചരിത്രനേട്ടം കൈവരിച്ചത്​. സ്കോർ: 6-1, 2-6, 6-4. ​ ചെക്ക് താരത്തിന്‍റെ ആദ്യ ഗ്രാൻസ്ലാം സിംഗിൾസ് കിരീടനേട്ടമാണിത്​. 40 വർഷത്തിന് ശേഷം റോളണ്ട് ഗാരോസിൽ കിരീടം നേടുന്ന ചെക്ക് വനിത താരം എന്ന ചരിത്രനേട്ടവും ക്രെച്ചിക്കോവയ്ക്ക് സ്വന്തമായി. ഇതിന് മുമ്പ് 1981ൽ ഹന മന്ദ്​ലിക്കോവയാണ് ഫ്രഞ്ച് ഓപ്പണിൽ കിരീടം നേടിയ ചെക്ക് വനിത താരം. അന്ന് ചെക്കോസ്ലോവാക്യയെയാണ് ഹന പ്രതിനിധീകരിച്ചത്.

തന്‍റെ കിരീട നേട്ടം മുൻ വിംബിൾഡൺ ജേതാവ്​ യാന നവോത്​നക്ക്​ സമർപ്പിക്കു​ന്നതായി ലോക 33ാം നമ്പർ താരം ക്രെച്ചി​ക്കോവ പറഞ്ഞു. നാല്​ വർഷം മുമ്പ്​ 49ാം വയസ്സിൽ കാൻസർ ബാധിച്ച്​ മരിച്ച യാനക്കൊപ്പം ചെലവഴിച്ച നിമിഷങ്ങളും ക്രെച്ചിക്കോവ ഓർത്തെടുത്തു. 'ടെന്നീസ്​ ആസ്വദിക്കൂ, ഗ്ലാൻസ്ലാം നേടൂ' എന്നായിരുന്നു യാന അവസാനമായി തന്നോട്​ പറഞ്ഞതെന്നും അവരുടെ അനുഗ്രഹം എപ്പോഴും തന്‍റെ കൂടെയുണ്ടെന്നും 25കാരിയായ ക്രെച്ചിക്കോവ പറഞ്ഞു.

ക്രെച്ചിക്കോവയും പവ്​ലിയുചെങ്കോവയും തമ്മിൽ മികച്ച പോരാട്ടമാണ് നടന്നത്​. ആദ്യ സെറ്റ് ക്രെച്ചിക്കോവ അനായാസം നേടി. എന്നാൽ രണ്ടാം സെറ്റിൽ റഷ്യൻ താരം തിരിച്ചടിച്ചു. നിർണായകമായ മൂന്നാം സെറ്റിൽ പവ്​ലിയുചെങ്കോവയെ തോൽപ്പിക്കാൻ ചെക്ക്​ താരത്തിനായി.

Show Full Article
TAGS:French Open 2021 Barbora Krejcikova 
News Summary - French Open 2021: Barbora Krejcikova wins the woman's title
Next Story