അഫീൽ മരിച്ചിട്ട്​ നാലുവർഷം:വെളിച്ചം ട്രാക്കിലണഞ്ഞ വീട്ടിൽ ചിരിയായി മാലാഖ

കോ​ട്ട​യം: ട്രാ​ക്കി​ലെ ആ​ര​വ​ങ്ങ​ളെ​ത്തി​യാ​ൽ അ​റി​യാ​തെ ഡാ​ർ​ലി ഇ​പ്പോ​ഴും ചെ​വി പൊ​ത്തും. ട്രാ​ക്കി​ല​ണ​ഞ്ഞ വെ​ളി​ച്ചം ജീ​വി​ത​ത്തെ സ​ങ്ക​ട​ക്ക​ട​ലി​ലാ​ക്കി​യ ആ ​ഇ​രു​ണ്ട ദി​ന​ങ്ങ​ൾ അ​തി​​വേ​ഗം ക​ൺ​മു​ന്നി​ലേ​ക്കെ​ത്തും, ക​ണ്ണു​നീ​രും. 2019 ഒ​ക്ടോ​ബ​ർ 21നാ​ണ് ഡാ​ർ​ളി​യു​ടെ ജീ​വി​ത​ത്തി​ൽ​നി​ന്ന് അ​ഫീ​ൽ എ​ന്ന പ്ര​കാ​ശം അ​ണ​ഞ്ഞ​ത്. ഏ​ക മ​ക​ൻ ന​ഷ്ട​മാ​യ​തോ​ടെ ചി​രി​യൊ​ഴി​ഞ്ഞ അ​മ്മ​മു​ഖ​ത്ത്​ വീ​ണ്ടും പ്ര​തീ​ക്ഷ നി​റ​ച്ച്​ മാ​ലാ​ഖ എ​ത്തി​യി​ട്ടും കോ​ട്ട​യം മൂ​ന്നി​ല​വ് ചൊ​വ്വൂ​ർ കു​റി​ഞ്ഞം​കു​ളം വീ​ടി​ന്‍റെ മു​റി​വു​ണ​ങ്ങു​ന്നി​ല്ല. വീ​ണ്ടും ട്രാ​ക്കു​ക​ളി​ൽ ആ​ര​വ​ങ്ങ​ൾ നി​റ​യു​മ്പോ​ൾ വീ​ട്ട​ക​ത്ത്​ നെ​ഞ്ചു​രു​കും വേ​ദ​ന.

2019 ഒ​ക്ടോ​ബ​ർ നാ​ലി​നാ​യി​രു​ന്നു കാ​യി​ക കേ​ര​ള​ത്തെ ന​ടു​ക്കി​യ ദു​ര​ന്തം. പാ​ലാ മു​നി​സി​പ്പ​ൽ സ്റ്റേ​ഡി​യ​ത്തി​ൽ ന​ട​ന്ന സം​സ്ഥാ​ന ജൂ​നി​യ​ർ മീ​റ്റി​നി​ടെ ഹാ​മ​ർ ത​ല​യി​ൽ പ​തി​ച്ചാ​ണ് വ​ള​ൻ​റി​യ​റാ​യി​രു​ന്ന അ​ഫീ​ൽ ജോ​ൺ​സ​ണ്​ (16) പ​രി​ക്കേ​റ്റ​ത്. 17 ദി​വ​സ​ങ്ങ​ൾ​ക്കു​ശേ​ഷം ഒ​ക്ടോ​ബ​ർ 21ന് ​അ​ഫീ​ൽ മാ​താ​പി​താ​ക്ക​ളാ​യ ജോ​ൺ​സ​ണെ​യും ഡാ​ർ​ളി​യെ​യും വി​ട്ടു​പോ​യി; ഇ​ന്നേ​ക്ക്​ നാ​ലു​വ​ർ​ഷം. മ​ക​ന്‍റെ മ​ര​ണ​ത്തി​നു​ശേ​ഷ​മു​ള്ള എ​ല്ലാ ഒ​ക്​​ടോ​ബ​ർ നാ​ലി​നും ഡാ​ർ​ളി​യും ജോ​ൺ​സ​ണും പാ​ലാ സ്​​റ്റേ​ഡി​യ​ത്തി​ലെ​ത്താ​റു​ണ്ട്. ക​ഴി​ഞ്ഞ ര​ണ്ട്​ യാ​​ത്ര​ക​ളി​ൽ ചേ​ട്ട​ന്‍റെ ഓ​ർ​മ​ക​ൾ നി​റ​യു​ന്ന മൈ​താ​ന​ത്ത്​ ഏ​ഞ്ച​ലും പി​ച്ച​വെ​ച്ചു.

ക​ന​ത്ത ഇ​രു​ട്ടി​ലേ​ക്കു​വീ​ണ അ​വ​രെ എ​ങ്ങ​നെ ആ​ശ്വ​സി​പ്പി​ക്കു​മെ​ന്ന​റി​യാ​തെ ബ​ന്ധു​ക്ക​ളും സു​ഹൃ​ത്തു​ക്ക​ളു​മൊ​ക്കെ ത​രി​ച്ചു​നി​ന്ന ര​ണ്ടാ​ണ്ടി​നു​ശേ​ഷ​മാ​യി​രു​ന്നു കു​റി​ഞ്ഞം​കു​ളം വീ​ട്ടി​ലേ​ക്ക്​ മാ​ലാ​ഖ​ക്കു​ഞ്ഞെ​ത്തി​യ​ത്​; ഏ​ഞ്ച​ൽ. ഈ ​ഒ​ന്നേ​മു​ക്കാ​ൽ വ​യ​സ്സു​കാ​രി​യാ​ണി​പ്പോ​ൾ ഈ ​വീ​ടി​ന്‍റെ ജീ​വ​നും ജീ​വി​ത​വും. ‘‘സ്വ​ർ​ഗ​ത്തി​ൽ​നി​ന്ന്​ അ​ഫീ​ൽ ഞ​ങ്ങ​ൾ​ക്കു കൂ​ട്ടാ​യി അ​യ​ച്ച​താ​വാം കു​ഞ്ഞി​നെ. അ​തു​കൊ​ണ്ടാ​ണ് ഇ​വ​ൾ​ക്ക്​ ഏ​ഞ്ച​ൽ എ​ന്ന പേ​രി​ട്ട​ത്. ഒ​രു കു​ടും​ബ​സു​ഹൃ​ത്താ​ണ് മ​ക​ന് അ​ഫീ​ൽ എ​ന്ന പേ​രി​ട്ട​ത്. പ്ര​കാ​ശ​മെ​ന്നാ​യി​രു​ന്നു അ​ർ​ഥം. ആ ​പ്ര​കാ​ശം വേ​ഗ​മ​ണ​ഞ്ഞു. ഇ​നി ഞ​ങ്ങ​ൾ​ക്ക്​ കൂ​ട്ട്​ ഈ ​മാ​ലാ​ഖ’’ -ഡാ​ർ​ലി പ​റ​യു​ന്നു.

അ​ഫീ​ലി​ന്‍റെ മ​ര​ണ​ശേ​ഷം ഒ​റ്റ​പ്പെ​ട്ട​പ്പോ​ഴാ​ണ്​ വീ​ണ്ടും കു​ഞ്ഞെ​ന്ന ആ​ഗ്ര​ഹ​വു​മാ​യി ജോ​ൺ​സ​ണും ഡാ​ർ​ളി​യും ഡോ​ക്ട​റെ കാ​ണു​ന്ന​ത്. 45ാം വ​യ​സ്സി​ലെ പ്ര​സ​വം സ​ങ്കീ​ർ​ണ​ത​ക​ൾ​ക്കി​ട​യാ​കു​മെ​ന്ന്​​ ആ​ദ്യം ഡോ​ക്ട​ർ​മാ​ർ പ​റ​ഞ്ഞെ​ങ്കി​ലും ഇ​വ​ർ പ്ര​തീ​ക്ഷ കൈ​വി​ട്ടി​ല്ല. ഒ​രു വ​ർ​ഷ​ത്തെ കാ​ത്തി​രി​പ്പി​നൊ​ടു​വി​ൽ കൃ​ത്രി​മ ചി​കി​ത്സാ​രീ​തി​യി​ലൂ​ടെ ഗ​ർ​ഭി​ണി​യാ​യി. 2022 ജ​നു​വ​രി ര​ണ്ടി​ന്​ ലേ​ബ​ർ റൂ​മി​ലേ​ക്കു പോ​കു​മ്പോ​ഴും സോ​നു​വി​ന്‍റെ (അ​ഫീ​ൽ) ചി​ത്രം ഡാ​ർ​ളി ചേ​ർ​ത്തു​പി​ടി​ച്ചി​രു​ന്നു.

അ​തേ​സ​മ​യം, അ​ഫീ​ലി​ന്‍റെ മ​ര​ണം സം​ബ​ന്ധി​ച്ച കേ​സി​ൽ നാ​ലു​വ​ർ​ഷം ക​ഴി​ഞ്ഞി​ട്ടും കാ​ര്യ​മാ​യ പു​രോ​ഗ​തി​യി​ല്ല. ഇ​തി​നി​ടെ, ത​ങ്ങ​ൾ കു​റ്റ​ക്കാ​ര​ല്ലെ​ന്നു കാ​ട്ടി പ്ര​തി​ക​ൾ ഹൈ​കോ​ട​തി​യി​ൽ കേ​സ് ഫ​യ​ൽ ചെ​യ്തി​ട്ടു​ണ്ട്. അ​ഫീ​ലി​ന്‍റെ മ​ര​ണ​ശേ​ഷം പി​താ​വി​നു ജോ​ലി വാ​ഗ്ദാ​നം ചെ​യ്തി​രു​ന്നെ​ങ്കി​ലും ന​ട​പ്പാ​യി​ല്ല. ഡ്രൈ​വ​ർ ത​സ്തി​ക​യി​ൽ പി.​എ​സ്‌.​സി റാ​ങ്ക് ലി​സ്റ്റി​ൽ ജോ​ൺ​സ​ൺ ഇ​ടം​പി​ടി​ച്ചി​രു​ന്നു. എ​ന്നാ​ൽ, നി​യ​മ​നം ല​ഭി​ച്ചി​ല്ല.

ആ ​ലി​സ്റ്റും കാ​ല​ഹ​ര​ണ​പ്പെ​ട്ടു. കൃ​ഷി​പ്പ​ണി ചെ​യ്താ​ണ്​ കു​ടും​ബം മു​ന്നോ​ട്ടു​പോ​കു​ന്ന​ത്. കു​രു​ന്നു മാ​ലാ​ഖ കൂ​ടി ഒ​പ്പ​മെ​ത്തി​യ​തി​നാ​ൽ ഒ​രു​ജോ​ലി അ​ത്യാ​വ​ശ്യ​മാ​ണെ​ന്ന്​ ഇ​വ​ർ പ​റ​യു​ന്നു. സ​ർ​ക്കാ​ർ​ത​ല​ത്തി​ൽ ഇ​തി​നാ​യി നി​വേ​ദ​ന​ങ്ങ​ള​ട​ക്കം ന​ൽ​കി​യി​രു​ന്നെ​ങ്കി​ലും തു​ട​ർ​ന​ട​പ​ടി​യു​ണ്ടാ​യി​ട്ടി​ല്ല. അ​ധി​കൃ​ത​ർ ഇ​നി​യെ​ങ്കി​ലും ക​നി​യു​മെ​ന്ന പ്ര​തീ​ക്ഷ​യി​ലാ​ണി​വ​ർ. കേ​സ്​ വേ​ഗ​ത്തി​ൽ തീ​ർ​പ്പാ​ക്കി കു​റ്റ​ക്കാ​രെ ശി​ക്ഷി​ക്ക​ണ​മെ​ന്ന ആ​വ​ശ്യ​വും കു​ടും​ബം മു​ന്നോ​ട്ടു​വെ​ക്കു​ന്നു.