വിനോദത്തിനായി ടി.വി അനുവദിക്കണം; സുശീൽകുമാർ തിഹാർ ജയിൽ അധികൃതർക്ക്​ കത്തെഴുതി

ന്യൂഡൽഹി: യുവ ഗുസ്​തി താരം സാഗർ ധാൻകറി​നെ കൊലപ്പെടുത്തിയ കേസിൽ അറസ്​റ്റിലായ ഒളിമ്പ്യൻ സുശീൽ കുമാർ വിനോദത്തിനായി ടി.വി അനുവദിച്ച്​ തരണമെന്നാവശ്യപ്പെട്ട്​​ ജയിൽ അധികൃതർക്ക്​ കത്തെഴുതി. ലോകത്ത്​ നടക്കുന്ന ഗുസ്​തി മത്സരങ്ങളെ കുറിച്ചറിയാൻ ടി.വി ആവശ്യമാണെന്നും തിഹാർ ജയിൽ അധികൃതർക്കയച്ച കത്തിൽ സുശീൽ എഴുതി.

23കാരനായ സാഗറി​െൻറ മരണവുമായി ബന്ധപ്പെട്ട കേസിൽ ജൂലൈ ഒമ്പത്​ വരെ സുശീലി​െൻറ ജുഡീഷ്യൽ കസ്​റ്റഡി കാലാവധി നീട്ടിയിരുന്നു. കൊലപാതകം, തട്ടിക്കൊണ്ടുപോകൽ എന്നീ വകുപ്പുകളാണ്​ സുശീലിനെതിരെ ചുമത്തിയിരിക്കുന്നത്​.

മേയ്​ 23നാണ്​ മുഖ്യപ്രതിയായ സുശീലിനെയും കൂട്ടാളി അജയ്​ ഭക്കർവാലയെയും ഡൽഹി പൊലീസ്​ അറസ്​റ്റ്​ ചെയ്​തത്​. ഛത്രസാൽ സ്​റ്റേഡിയം പരിസരത്ത്​ വെച്ചാണ്​ സുശീലും കൂട്ടാളികളും സാഗറിനെയും രണ്ട്​ കൂട്ടുകാരെയും മർദിച്ചത്​. മേയ്​ നാലിനായിരുന്നു സംഭവം.