ഏഷ്യൻ അണ്ടർ 20 അത്‍ലറ്റിക്സ് ; ഹീനക്കും ഭരത്പ്രീതിനും സ്വർണം

യെ​ച്യോ​ൺ (ദ​ക്ഷി​ണ ​കൊ​റി​യ): ഏ​ഷ്യ​ൻ അ​ണ്ട​ർ 20 അ​ത്‍ല​റ്റി​ക്സ് ചാ​മ്പ്യ​ൻ​ഷി​പ്പി​ൽ ഇ​ന്ത്യ​ക്ക് ഗം​ഭീ​ര തു​ട​ക്കം. ആ​ദ്യ ദി​നം ര​ണ്ട് സ്വ​ർ​ണ​വും ഒ​രു വെ​ങ്ക​ല​വും യു​വ​താ​ര​ങ്ങ​ൾ സ്വ​ന്ത​മാ​ക്കി. കൗ​മാ​ര വി​സ്മ​യ​മാ​യ ഹീ​ന റെ​സോ​വ​ന മ​ല്ലി​ക് വ​നി​ത​ക​ളു​ടെ 400 മീ​റ്റ​റി​ലും ഭ​ര​ത്പ്രീ​ത് സി​ങ് പു​രു​ഷ​ന്മാ​രു​ടെ ഡി​സ്ക​സ് ​ത്രോ​യി​ലും സ്വ​ർ​ണം നേ​ടി.

വ​നി​ത​ക​ളു​ടെ 5000 മീ​റ്റ​റി​ൽ അ​ന്റി​മ പാ​ലി​നാ​ണ് ​വെ​ങ്ക​ല നേ​ട്ടം. ഭാ​വി​യി​ലെ സൂ​പ്പ​ർ താ​ര​മാ​യി വി​ല​യി​രു​ത്തു​ന്ന ഹീ​ന റെ​സോ​വ​ന മ​ല്ലി​ക് വ​നി​ത​ക​ളു​ടെ 400 മീ​റ്റ​റി​ൽ സ്വ​ർ​ണ​മ​ണി​ഞ്ഞു. 53.31 ​സെ​ക്ക​ൻ​ഡി​ലാ​ണ് ഈ ​ബം​ഗാ​ളു​കാ​രി​യു​ടെ അ​ഭി​മാ​ന നേ​ട്ടം. താ​ഷ്‍ക്ക​ൻ​ഡി​ൽ ഏ​പ്രി​ലി​ൽ ന​ട​ന്ന യൂ​ത്ത് ഏ​ഷ്യ​ൻ ചാ​മ്പ്യ​ൻ​ഷി​പ്പി​ൽ 52.98 സെ​ക്ക​ൻ​ഡി​ൽ സ്വ​ർ​ണം നേ​ടി​യ ഹീ​ന അ​ണ്ട​ർ 18 വി​ഭാ​ഗ​ത്തി​ൽ ദേ​ശീ​യ റെ​ക്കോ​ഡ് നേ​ടി​യി​രു​ന്നു. കേ​ര​ള​ത്തി​ൽ വേ​രു​ക​ളു​ള്ള അ​ജ​യ് അ​രു​ണാ​ണ് ബം​ഗ​ളൂ​രു​വി​ൽ ഹീ​ന​യെ പ​രി​ശീ​ലി​പ്പി​ക്കു​ന്ന​ത്.

പ​ഞ്ചാ​ബു​കാ​ര​നാ​യ ഭ​ര​ത് പ്രീ​ത് 55.66 മീ. ​എ​റി​ഞ്ഞാ​ണ് ഡി​സ്ക​സ് ത്രോ​യി​ൽ ഒ​ന്നാ​മ​നാ​യ​ത്. 17.11 ​സെ​ക്ക​ൻ​ഡി​ലാ​യി​രു​ന്നു 5000 മീ​റ്റ​റി​ൽ വെ​ങ്ക​ല​ത്തി​ലേ​ക്ക് അ​ന്റി​മ പാ​ലി​ന്റെ കു​തി​പ്പ്. അ​തേ​സ​മ​യം, പോ​ൾ വാ​ൾ​ട്ടി​ൽ ദേ​വ് കു​മാ​ർ മീ​ണ പ്രാ​ഥ​മി​ക റൗ​ണ്ടി​ൽ പു​റ​ത്താ​യി. വി​മാ​ന​ത്തി​ൽ പോ​ൾ ​​കൊ​ണ്ടു​പോ​കാ​ൻ അ​നു​വ​ദി​ക്കാ​ത്തി​നാ​ൽ സം​ഘാ​ട​ക​ർ ന​ൽ​കി​യ പോ​ൾ ഉ​പ​യോ​ഗി​ച്ചാ​യി​രു​ന്നു ദേ​വ് കു​മാ​ർ മ​ത്സ​രി​ച്ച​ത്. വ​നി​ത​ക​ളു​​ടെ നൂ​റു മീ​റ്റ​റി​ൽ അ​ഭി​ന​യ രാ​ജ​രാ​ജ​ൻ ​ഫൈ​ന​ലി​ലെ​ത്തി.