ഏ​ഷ്യ​ൻ ഗെ​യിം​സ് കു​വൈ​ത്തി​ന് മൂ​ന്നാം സ്വ​ർ​ണം

കു​വൈ​ത്ത് സി​റ്റി: ഏ​ഷ്യ​ൻ ഗെ​യിം​സി​ൽ കു​വൈ​ത്തി​ന് മൂ​ന്നാം സ്വ​ർ​ണം. ശ​നി​യാ​ഴ്ച ക​രാ​ട്ടേ താ​രം ഫ​ഹ​ദ് അ​ൽ അ​ജ്മി​യാ​ണ് രാ​ജ്യ​ത്തി​നാ​യി അ​ഭി​മാ​ന നേ​ട്ടം കൊ​യ്ത​ത്. ഇ​തോ​ടെ 19ാമ​ത് ഏ​ഷ്യ​ൻ ഗെ​യിം​സി​ൽ കു​വൈ​ത്തി​ന്റെ മെ​ഡ​ലു​ക​ളു​ടെ എ​ണ്ണം പ​ത്താ​യി. മൂ​ന്ന് സ്വ​ർ​ണ​വും നാ​ല് വെ​ള്ളി​യും മൂ​ന്ന് വെ​ങ്ക​ല​വു​മാ​ണ് കു​വൈ​ത്തി​ന്റെ ഇ​തു​വ​രെ​യു​ള്ള മെ​ഡ​ൽ നേ​ട്ടം. ശ​ക്ത​മാ​യ മ​ത്സ​ര​ത്തി​ൽ (8/5) എ​ന്ന സ്‌​കോ​റി​ന് ജോ​ർ​ഡി​യ​ൻ എ​തി​രാ​ളി​യാ​യ അ​ബ്ദു​ൽ​റ​ഹ്മാ​ൻ അ​ൽ മു​സ​ഫ്ത​യെ പ​രാ​ജ​യ​പ്പെ​ടു​ത്തി​യാ​ണ് ഫ​ഹ​ദ് അ​ൽ അ​ജ്മി​യു​ടെ സു​വ​ർ​ണ നേ​ട്ടം.

ത​ന്റെ നേ​ട്ട​ത്തി​ലും ശ​ക്ത​രാ​യ ഏ​ഷ്യ​ൻ എ​തി​രാ​ളി​ക​ൾ​ക്കൊ​പ്പ​മു​ള്ള പ​ങ്കാ​ളി​ത്ത​ത്തി​ലും ഫ​ഹ​ദ് അ​ൽ അ​ജ്മി അ​ഭി​മാ​നം പ്ര​ക​ടി​പ്പി​ച്ചു. വി​ജ​യം അ​മീ​ർ ശൈ​ഖ് ന​വാ​ഫ് അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹ്, കി​രീ​ടാ​വ​കാ​ശി ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ്, കു​വൈ​ത്ത് ജ​ന​ത എ​ന്നി​വ​ർ​ക്ക് സ​മ​ർ​പ്പി​ക്കു​ന്ന​താ​യും ഫ​ഹ​ദ് അ​ൽ അ​ജ്മി പ​റ​ഞ്ഞു. ഈ ​നേ​ട്ടം വ​രാ​നി​രി​ക്കു​ന്ന മ​ത്സ​ര​ങ്ങ​ൾ​ക്ക് മി​ക​ച്ച പ്ര​ചോ​ദ​ന​മാ​ണെ​ന്ന് അ​ൽ അ​ജ്മി കൂ​ട്ടി​ച്ചേ​ർ​ത്തു

കു​വൈ​ത്ത് ഫെ​ഡ​റേ​ഷ​ന്റെ പി​ന്തു​ണ​യും ടീ​മി​ന്റെ ടെ​ക്‌​നി​ക്ക​ൽ ഡ​യ​റ​ക്ട​ർ ജാ​ബ​ർ ഹ​മ്മ​ദി​ന്റെ നേ​തൃ​ത്വ​ത്തി​ലു​ള്ള സാ​ങ്കേ​തി​ക ടീ​മി​ന്റെ ശ്ര​മ​ങ്ങ​ളും അ​ദ്ദേ​ഹം എ​ടു​ത്തു​പ​റ​ഞ്ഞു. നേ​ര​ത്തെ ഷൂ​ട്ടി​ങ്ങി​ൽ അ​ബ്ദു​ല്ല അ​ൽ ത​റാ​ഖി, 110 മീ​റ്റ​ർ ഹ​ഡി​ൽ​സി​ൽ യാ​ക്കൂ​ബ് അ​ൽ യൂ​ഹ എ​ന്നി​വ​ർ സ്വ​ർ​ണ​വും അ​മ്പെ​യ്ത്തി​ൽ അ​ബ്ദു​ല്ല അ​ൽ ത​റാ​ഖി-​ഇ​മാ​ൻ അ​ൽ ഷ​മ സ​ഖ്യം, ഷൂ​ട്ടി​ങ് ട്രാ​പ് ടീ​മാ​യ ത​ലാ​ൽ അ​ൽ ത​റാ​ഖി, ഖാ​ലി​ദ് അ​ൽ മു​ദാ​ഫ്, അ​ബ്ദു​ൽ റ​ഹ്മാ​ൻ അ​ൽ ഫൈ​ഹാ​ൻ, ഷൂ​ട്ടി​ങ് വ്യ​ക്തി​ഗ​ത ഇ​ന​ത്തി​ൽ ത​ലാ​ൽ അ​ൽ ത​റാ​ഖി, ക​രാ​ട്ടേ കു​മി​ത്തെ വി​ഭാ​ഗ​ത്തി​ൽ അ​ബ്ദു​ല്ല ഷ​അ​ബാ​ൻ എ​ന്നി​വ​ർ കു​വൈ​ത്തി​നാ​യി വെ​ള്ളി​യും നേ​ടി. ഫെ​ൻ​സി​ങ്ങി​ൽ യൂ​സ​ഫ് അ​ൽ ഷം​ലാ​ൻ, ക​രാ​ട്ടേ​യി​ൽ സ​യ്യി​ദ് സ​ൽ​മാ​ൻ അ​ൽ മൗ​സാ​വി, ഹാ​ൻ​ഡ്‌​ബാ​ൾ എ​ന്നി​വ​യി​ലാ​ണ് വെ​ങ്ക​ല മെ​ഡ​ൽ നേ​ട്ടം. വെ​ങ്ക​ല മെ​ഡ​ൽ നേ​ടി​യ ഹാ​ൻ​ഡ്‌​ബാ​ൾ ടീ​മി​ന് കു​വൈ​ത്തി​ൽ സ്വീ​ക​ര​ണം ന​ൽ​കി.