പോളും പങ്കിടാൻ വയ്യെ‍െൻറ പൊന്നേ...!

തേ​ഞ്ഞി​പ്പ​ലം: കാ​ലി​ക്ക​റ്റ് സ​ർ​വ​ക​ലാ​ശാ​ല സ്​​റ്റേ​ഡി​യ​ത്തി​ൽ ചൊ​വ്വാ​ഴ്ച ഉ​ച്ച​ക്കു​ശേ​ഷം ന​ട​ന്ന ആ​ൺ​കു​ട്ടി​ക​ളു​ടെ അ​ണ്ട​ർ 20 പോ​ൾ​വോ​ൾ​ട്ട് മ​ത്സ​രം. കൂ​ട്ടു​കാ​രും സ​ഹ​പാ​ഠി​ക​ളു​മാ​യ എം. ​അ​ക്ഷ​യും ആ​ന​ന്ദ് മ​നോ​ജും ഇ​ഞ്ചോ​ടി​ഞ്ച് പോ​രാ​ട്ട​ത്തി​ലാ​ണ്. മ​റ്റ്​ മ​ത്സ​രാ​ർ​ഥി​ക​ളെ​ല്ലാം പി​ൻ​വാ​ങ്ങി​യി​രി​ക്കു​ന്നു. ഇ​രു​വ​രും പു​തി​യ ഉ​യ​ര​ങ്ങ​ൾ ക്ലി​യ​ർ ചെ​യ്യു​ന്നു, പ​ര​സ്പ​രം പ്രോ​ത്സാ​ഹി​പ്പി​ക്കു​ന്നു, കാ​ര്യ​ങ്ങ​ൾ പ​റ​ഞ്ഞു​കൊ​ടു​ക്കു​ന്നു. ഓ​രോ ശ്ര​മ​ത്തി​നു​മൊ​രു​ങ്ങു​മ്പോ​ൾ കൈ​യി​ലു​ള്ള പോ​ളു​ക​ളി​ലേ​ക്ക് ചെ​റി​യ ആ​ശ​ങ്ക​യോ​ടെ ര​ണ്ടു​പേ​രും നോ​ക്കും. താ​ര​ത​മ്യേ​ന നി​ല​വാ​രം കു​റ​ഞ്ഞ​വ​യാ​യ​തി​നാ​ൽ മ​ത്സ​രം ക​ഴി​യു​ന്ന​ത് വ​രെ​യെ​ങ്കി​ലും കേ​ടു​വ​രാ​തി​രി​ക്ക​ട്ടെ​യെ​ന്ന് പ്രാ​ർ​ഥി​ച്ചി​ട്ടു​ണ്ടാ​വ​ണം.

ഭ​യ​പ്പെ​ട്ട​തൊ​ന്നും സം​ഭ​വി​ച്ചി​ല്ലെ​ന്ന് മാ​ത്ര​മ​ല്ല ഇ​ക്ക​ഴി​ഞ്ഞ ടോ​ക്യോ ഒ​ളി​മ്പി​ക്സി​ലു​ണ്ടാ​യ​ത് ഇ​വി​ടെ​യും ആ​വ​ർ​ത്തി​ച്ചു. ഒ​ളി​മ്പി​ക് ഹൈ​ജം​പി​ൽ ഖ​ത്ത​ര്‍ താ​രം മു​അ്​​ത​സ്​ ബ​ര്‍ഷി​മും ഇ​റ്റ​ലി​യു​ടെ ജി​യാ​ൻ​മാ​ര്‍കോ ടം​ബേ​റി​യും സ്വ​ർ​ണ​മാ​ണ് പ​ങ്കു​വെ​ച്ച​തെ​ങ്കി​ൽ അ​ക്ഷ​യും ആ​ന​ന്ദും സ്വ​ർ​ണ​ത്തി​നൊ​പ്പം റെ​ക്കോ​ഡ് പു​സ്ത​ക​ത്തി​ലെ സ്ഥാ​നം കൂ​ടി പ​ങ്കി​ട്ടു. 2019ൽ ​എ​റ​ണാ​കു​ള​ത്തി‍െൻറ എം. ​സി​ദ്ധാ​ർ​ഥ്​ കു​റി​ച്ച 4.71 മീ. ​മ​റി​ക​ട​ന്ന് 4.72 മീ. ​ഉ‍യ​ര​മാ​ണ് ഇ​രു​വ​രും ചാ​ടി​യ​ത്. 4.72 മീ​റ്റ​ർ ആ​ദ്യ​ശ്ര​മ​ത്തി​ൽ ത​ന്നെ ക്ലി​യ​ർ ചെ​യ്യാ​ൻ അ​ക്ഷ​യി​നും ആ​ന​ന്ദി​നും ഒ​രേ​പോ​ലെ ക​ഴി​ഞ്ഞെ​ന്ന​തും കൗ​തു​ക​മു​ണ​ർ​ത്തു​ന്നു. പി​ന്നീ​ടു​ള്ള ര​ണ്ടും പ​രാ​ജ​യ​പ്പെ​ട്ടു. 4.80ന് ​ശ്ര​മി​ച്ച​തും വി​ഫ​ലം. 4.72 മീ​റ്റ​ർ ത​ന്നെ ദേ​ശീ​യ റെ​ക്കോ​ഡ് (4.60 മീ.) ​മ​റി​ക​ട​ക്കു​ന്ന പ്ര​ക​ട​ന​മാ​ണ്.

എ​റ​ണാ​കു​ളം കോ​ത​മം​ഗ​ലം മാ​ർ​ബേ​സി​ൽ എ​ച്ച്.​എ​സ്.​എ​സി​ലെ പ്ല​സ് ടു ​ഹ്യൂ​മാ​നി​റ്റീ​സ് വി​ദ്യാ​ർ​ഥി​ക​ളാ​ണ് അ​ക്ഷ​യും ആ​ന​ന്ദും. സം​സ്ഥാ​ന മീ​റ്റി​ൽ മ​ത്സ​രി​ക്കു​ന്ന​ത് പ​ക്ഷേ, കോ​ട്ട​യം കാ​ഞ്ഞി​ര​പ്പ​ള്ളി സെൻറ് ഡൊ​മി​നി​ക് കോ​ള​ജി​ന് വേ​ണ്ടി‍യാ​ണ്. എ​റ​ണാ​കു​ളം ജി​ല്ല മീ​റ്റ് ന​ട​ക്കു​മ്പോ​ൾ പ​രി​ക്കി‍െൻറ പി​ടി​യി​ലാ​യി​രു​ന്നു ഇ​രു​വ​രും. ഏ​റ​ക്കു​റെ ഭേ​ദ​മാ​യ​തോ​ടെ തു​ട​ർ​ന്നു​വ​ന്ന കോ​ട്ട​യം ജി​ല്ല മീ​റ്റി​ൽ ഇ​റ​ങ്ങി.

അ​ന്ന് ആ​ന​ന്ദ് ഒ​ന്നാ​മ​തെ​ത്തി. പ​രി​ക്ക് പൂ​ർ​ണ​മാ​യും മാ​റാ​ത്ത​തി​നാ​ൽ ഒ​രു ശ്ര​മം മാ​ത്രം ന​ട​ത്തി സം​സ്ഥാ​ന മീ​റ്റി​ന് യോ​ഗ്യ​ത നേ​ടി വെ​ള്ളി മെ​ഡ​ലോ​ടെ പി​ൻ​വാ​ങ്ങു​ക​യാ​യി​രു​ന്നു. പി​രി​വും വാ​യ്പ​യു​മാ​യി ആ​റു​ല​ക്ഷം മു​ട​ക്കി​യാ​ണ് ക​ഴി​ഞ്ഞ​വ​ർ​ഷം ഇ​വ​ർ​ക്കു​വേ​ണ്ടി ഉ​പ​ക​ര​ണ​ങ്ങ​ൾ വാ​ങ്ങി​യ​തെ​ന്ന് പ​രി​ശീ​ല​ക​ൻ സി.​ആ​ർ. മ​ധു പ​റ​യു​ന്നു. 1.05 ല​ക്ഷം രൂ​പ വി​ല​വ​രു​ന്ന പോ​ളാ​ണ് അ​ക്ഷ​യും ആ​ന​ന്ദും ഉ​പ​യോ​ഗി​ക്കു​ന്ന​ത്. ഇ​തി​ന് 25,000 രൂ​പ വീ​തം ഇ​വ​രു​ടെ വീ​ട്ടു​കാ​ർ വ​ഴി വാ​യ്പ​യാ​യി സം​ഘ​ടി​പ്പി​ച്ചു.

ഒ​രു​വ​ർ​ഷം ഉ​പ​യോ​ഗി​ക്കാ​നു​ള്ള നി​ല​വാ​ര​മേ പോ​ളി​നു​ള്ളൂ. ഇ​നി​യും ക​ടം​വാ​ങ്ങാ​ൻ വ​യ്യെ​ന്ന് പ​രി​ശീ​ല​ക​നും താ​ര​ങ്ങ​ളും. ക​ർ​ഷ​ക​നാ​യ എ​റ​ണാ​കു​ളം മാ​മ​ല​ക്ക​ണ്ടം ഉ​തി​രാ​ല​മ​റ്റം മ​നോ​ജി‍െൻറ​യും ജ​യ​യു​ടെ​യും മ​ക​നാ​ണ് ആ​ന​ന്ദ്. ഓ​ട്ടോ ഡ്രൈ​വ​റാ​യ ഇ​ട​പ്പ​ള്ളി എ​ള​മ​ക്ക​ര മ​ധു​സൂ​ദ​ന‍‍െൻറ​യും ശ്രീ​വി​ദ്യ​യു​ടെ​യും മ​ക​നാ​ണ് അ​ക്ഷ​യ്. അ​ഞ്ച് വ​ർ​ഷ​മാ​യി മാ​ർ​ബേ​സി​ലി​ൽ ഉ​ണ്ട് ര​ണ്ടു​പേ​രും. ക​ണ്ണൂ​രി​ൽ ന​ട​ന്ന സം​സ്ഥാ​ന സ്കൂ​ൾ മീ​റ്റ് ജൂ​നി​യ​ർ വി​ഭാ​ഗം പോ​ൾ വോ​ൾ​ട്ടി​ൽ ആ​ന​ന്ദി​ന് സ്വ​ർ​ണ​വും അ​ക്ഷ​യ്്ക്ക് വെ​ള്ളി​യു​മാ​യി​രു​ന്നു.

മു​ന്നി​ൽ പാ​ല​ക്കാ​ട് ത​ന്നെ

തേ​ഞ്ഞി​പ്പ​ലം: സം​സ്ഥാ​ന ജൂ​നി‍യ​ർ അ​ത്​​ല​റ്റി​ക് ചാ​മ്പ്യ​ൻ​ഷി​പ്പി‍െൻറ ര​ണ്ടാം​ദി​ന​വും പാ​ല​ക്കാ​ട് ജി​ല്ല​ക്ക് സ്വ​ന്തം. ഒ​മ്പ​ത് സ്വ​ർ​ണ​വും ര​ണ്ട് വെ​ള്ളി​യും ഒ​മ്പ​ത് വെ​ങ്ക​ല​വു​മ​ട​ക്കം 180 പോ​യ​ൻ​റാ​ണ് ഇ​തു​വ​രെ നേ​ടി​യ​ത്. എ​ട്ട് സ്വ​ർ​ണ​വും നാ​ല് വെ​ള്ളി​യും മൂ​ന്ന് വെ​ങ്ക​ല​വു​മാ​യി 121 പോ​യ​ൻ​റോ​ടെ എ​റ​ണാ​കു​ളം ര​ണ്ടാം സ്ഥാ​ന​ത്തും ഏ​ഴ് സ്വ​ർ​ണ​വും മൂ​ന്ന് വെ​ള്ളി‍യും ആ​റ് വെ​ങ്ക​ല​വു​മു​ൾ​പ്പെ​ടെ 114 പോ​യ​ൻ​റോ​ടെ കോ​ഴി​ക്കോ​ട് മൂ​ന്നാ​മ​തും.

ചൊ​വ്വാ​ഴ്ച അഞ്ച്​ മീ​റ്റ് റെ​ക്കോ​ഡു​ക​ൾ പി​റ​ന്നു. ആ​ൺ​കു​ട്ടി​ക​ളു​ടെ അ​ണ്ട​ർ 20 പോ​ൾ​വോ​ൾ​ട്ടി​ൽ കോ​ട്ട​യ​ത്തി​െൻറ എം. ​അ​ക്ഷ​യും ആ​ന​ന്ദ് മ​നോ​ജും റെ​ക്കോ​ഡ് പ​ങ്കി​ട്ടു. അ​ണ്ട​ർ 14 പെ​ൺ​കു​ട്ടി​ക​ളു​ടെ ബാ​ൾ ത്രോ​യി​ൽ പാ​ല​ക്കാ​ടി‍െൻറ അ​ഭി​ന (45.15 മീ.), ​അ​ണ്ട​ർ 18 പെ​ൺ​കു​ട്ടി​ക​ളു​ടെ ഡി​സ്ക​സ്ത്രോ​യി​ൽ കാ​സ​ർ​കോ​ടി‍െൻറ അ​ഖി​ല രാ​ജു (39.25 മീ.), ​അ​ണ്ട​ർ 20 പെ​ൺ​കു​ട്ടി​ക​ളു​ടെ 800 മീ​റ്റ​റി​ൽ എ​റ​ണാ​കു​ള​ത്തി‍െൻറ സി. ​ചാ​ന്ദ്നി (ര​ണ്ട് മി​നി​റ്റ് 8.71 സെ​ക്ക​ൻ​ഡ്), ഹാ​മ​ർ​ത്രോ​യി​ൽ എ​റ​ണാ​കു​ള​ത്തി‍െൻറ കെ​സി​യ മ​റി​യം ബെ​ന്നി (47.81 മീ.) ​എ​ന്നി​വ​രും റെ​ക്കോ​ഡ് കു​റി​ച്ചു.