ദേശീയ ഗെയിംസ്: കേരളം ഓടിപ്പിടിച്ചു തുടങ്ങി

ദേശീയ ഗെയിംസ് അത്ലറ്റിക് ട്രാക്കിൽ നിന്ന് കൂടുതൽ മെഡലുകൾ നേടി കേരളം. 4x100 മീറ്റർ റിലേ വനിതകളിൽ സ്വർണവും പുരുഷന്മാരിൽ വെള്ളിയും സ്വന്തമാക്കിയ മലയാളിപ്പടക്ക് പുരുഷ ലോങ് ജംപിൽ വെള്ളിയും വെങ്കലവും ലഭിച്ചു. കോമൺവെൽത്ത് ഗെയിംസിലെ ഉജ്വലപ്രകടനത്തിന്റെ ആത്മവിശ്വാസവുമായെത്തിയ എം. ശ്രീശങ്കറിന് ഇടക്ക് പരിക്കേറ്റതോടെ വെള്ളിയിലൊതുങ്ങി.

ലോങ് ജംപിൽ മുഹമ്മദ് അനീസാണ് വെങ്കലം നേടിയത്. വനിത ഫെൻസിങ് ഫോയിൽ വ്യക്തിഗത ഇനത്തിൽ കേരളത്തിന്റെ രാധിക പ്രകാശ് അവന്തിയും പുരുഷ ഭാരോദ്വഹനം 73 കിലോ വിഭാഗത്തിൽ ബി. ദേവപ്രീതൻ വെങ്കലവും കരസ്ഥമാക്കി. ഇതുവരെ നാല് സ്വർണവും മൂന്ന് വെള്ളിയും നാല് വെങ്കലവുമാണ് കേരളത്തിന്റെ നേട്ടം. പുരുഷ 400 മീ. സർവിസസിന്റെ മലയാളി താരം മുഹമ്മദ് അജ്മലിനും സ്വർണം ലഭിച്ചു.

റിലേ പോവാതെ കേരളം; സ്വർണത്തിൽ സഹോദരിമാർ

വനിത, പുരുഷ 4x100 മീ. റിലേകളിലെ സ്വർണവും വെള്ളിയുമാണ് രണ്ടാം ദിനം ട്രാക്കിൽ കേരളത്തിന്റെ സമ്പാദ്യം. 45.52 സെക്കൻഡിൽ ഫിനിഷ് ചെയ്താണ് വി.എസ് ഭവിക, പി.ഡി അഞ്ജലി, എ.പി ഷിൽബി, എ.പി ഷിൽഡ എന്നിവരടങ്ങിയ സംഘം വനിത റിലേയിൽ സ്വർണം നേടിയത്. തമിഴ്നാട് വെള്ളിയും മധ്യപ്രദേശ് വെങ്കലവും സ്വന്തമാക്കി.

എറണാകുളം തൃപ്പൂണിത്തുറ സ്വദേശിനിയാണ് ഭവിക. അഞ്ജലി തൃശൂർ തൃപ്രയാറുകാരിയും. ഷിൽബിയും ഷിൽഡയും സഹോദരിമാരാണ്. ആലപ്പുഴ മുഹമ്മയാണ് ഇവരുടെ നാട്.പുരുഷ 4x100 മീ. റിലേയിൽ തമിഴ്നാടിനാണ് സ്വർണം. വെള്ളി നേടിയ കേരള സംഘത്തിൽ കെ.എസ് പ്രണവ്, കെ.പി അശ്വിൻ, എം. ഹിഷാം, ടി. മിഥുൻ എന്നിവരാണുണ്ടായിരുന്നത്.

പ​രി​ക്കി​ൽ ശ്രീ​ശ​ങ്ക​റി​ന് വെ​ള്ളി

ലോ​ങ് ജം​പി​ൽ ആ​ദ്യ ചാ​ട്ടം ത​ന്നെ 7.93 മീ​റ്റ​റി​ലെ​ത്തി​യ ശ്രീ​ശ​ങ്ക​റി​ന് ര​ണ്ടാ​മ​ത്തെ​തി​ൽ പ​രി​ക്കേ​ൽ​ക്കു​ക​യാ​യി​രു​ന്നു. ഇ​തേ​ത്തു​ട​ർ​ന്ന് മ​ത്സ​ര​ത്തി​ൽ നി​ന്ന് പി​ന്മാ​റാ​ൻ നി​ർ​ബ​ന്ധി​ത​നാ​യി കേ​ര​ള താ​രം. ത​മി​ഴ്നാ​ട്ടു​കാ​ര​ൻ ജെ​സ്വി​ൻ ആ​ൽ​ഡ്രി​ൻ 8.26 മീ​റ്റ​ർ ചാ​ടി ഒ​ന്നാം സ്ഥാ​ന​ത്തെ​ത്തി.

അ​ങ്കീ​ത് ശ​ർ​മ​യു​ടെ പേ​രി​ലു​ള്ള ദേ​ശീ​യ ഗെ​യിം​സ് റെ​ക്കോ​ഡ് (8.04) മ​റി​ക​ട​ന്ന ജെ​സ്വി​ൻ ഏ​ഷ്യ​ൻ ഗെ​യിം​സ് (7.98), ലോ​ക ചാ​മ്പ്യ​ൻ​ഷി​പ് (8.25) യോ​ഗ്യ​ത മാ​ർ​ക്കു​ക​ളും പി​ന്നി​ട്ടു. ഇ​വ ര​ണ്ടി​നും യോ​ഗ്യ​ത നേ​ടു​ന്ന​തി​നു​ള്ള അ​വ​സ​രം കൂ​ടി​യാ​യാ​ണ് ശ്രീ​ശ​ങ്ക​ർ ദേ​ശീ​യ ഗെ​യിം​സി​നെ ക​ണ്ടി​രു​ന്ന​ത്. വെ​ങ്ക​ലം നേ​ടി​യ കേ​ര​ള​ത്തി​ന്റെ മു​ഹ​മ്മ​ദ് അ​നീ​സ് ചാ​ടി​യ​ത് 7.92 മീ​റ്റ​റാ​ണ്.

റെക്കോഡിൽ അതിവേഗം അംലാനും ജ്യോതിയും

ഗാന്ധിനഗർ: അതിവേഗ താരങ്ങളെ തീരുമാനിക്കുന്ന പുരുഷ, വനിത 100 മീ. മത്സരങ്ങളിൽ ദേശീയ ഗെയിംസ് റെക്കോഡുകളും പിറന്നു. 10.38 സെക്കൻഡിലാണ് അസമിന്റെ അംലാൻ ബൊർഗോഹെയ്ൻ ഫിനിഷ് ചെയ്തത്. 2015ലെ 10.45 റെക്കോഡ് അംലാനും രണ്ടാം സ്ഥാനക്കാരൻ തമിഴ്നാടിന്റെ വി.കെ. എലകിയദാസനും (10.44) മറികടന്നു. തമിഴ്നാടിന്റെ തന്നെ ബി. ശിവകുമാറിനാണ് (10.48) വെങ്കലം. വനിതകളിൽ 2015ലെ റെക്കോഡിനേക്കാൾ കുറഞ്ഞ സമയത്താണ് ആദ്യത്തെ ആറ് താരങ്ങളും ഫിനിഷ് ചെയ്തത്.

സ്വർണം നേടിയ ആന്ധ്രപ്രദേശിന്റെ ജ്യോതിയാരാജി (11.51), വെള്ളി സ്വന്തമാക്കിയ തമിഴ്നാടിന്റെ അർച്ചന ശുശീന്ദ്രൻ (11.55), വെങ്കലം കിട്ടിയ മഹാരാഷ്ട്രയുടെ ഡയാൻഡ്ര വല്ലദാരെസ് (11.62) എന്നിവർക്ക് പുറമെ ഹിമശ്രീ റോയ് (ബംഗാൾ, 11.67), സർബാനി നന്ദ (ഒഡിഷ, 11.69), ദ്യുതിചന്ദ് (ഒഡിഷ, 11.69) എന്നിവരും റെക്കോഡിനേക്കാൾ മുന്നിലെത്തി. അന്തർദേശീയ താരം അസമിന്റെ ഹിമദാസിന് (11.74) എട്ടിൽ ഏഴാം സ്ഥാനമാണ് ലഭിച്ചത്.

ക​ള​ഞ്ഞു​പോ​യ പൊ​ന്ന​ല്ല ത​ങ്ക​മാ​ണ് കേ​ര​ള​ത്തി​ന് അ​ഞ്ജ​ലി​യും കൂ​ട്ട​രും

ഗാ​ന്ധി​ന​ഗ​ർ: ക​ഴി​ഞ്ഞ ദി​വ​സം വ​നി​ത​ക​ളു​ടെ 100 മീ. ​ഹീ​റ്റ്സ് മ​ത്സ​ര​ത്തി​ന് ശേ​ഷ​മാ​ണ് ക​ഴു​ത്തി​ൽ​കി​ട​ന്ന ഡ​യ​മ​ണ്ട് ലോ​ക്ക​റ്റോ​ട് കൂ​ടി​യ സ്വ​ർ​ണ​മാ​ല ക​ള​ഞ്ഞു​പോ​യ കാ​ര്യം കേ​ര​ള താ​രം പി.​ഡി. അ​ഞ്ജ​ലി ശ്ര​ദ്ധി​ക്കു​ന്ന​ത്. ഗ്രൗ​ണ്ടി​ലും താ​മ​സ​സ്ഥ​ല​ത്തും വ​ഴി​യി​ലു​മൊ​ക്കെ തി​ര​ഞ്ഞെ​ങ്കി​ലും നി​രാ​ശ​യാ​യി​രു​ന്നു ഫ​ലം. മാ​ധ്യ​മ​പ്ര​വ​ർ​ത്ത​ക​രെ​ടു​ത്ത വി​ഡി​യോ​ക​ളും ചി​ത്ര​ങ്ങ​ളും പ​രി​ശോ​ധി​ച്ച​പ്പോ​ൾ മ​ത്സ​ര​ത്തി​ന് മു​മ്പേ മാ​ല ന​ഷ്ട​പ്പെ​ട്ട​താ​യി വ്യ​ക്ത​മാ​യി.

ആ​റ് കൊ​ല്ല​ത്തി​ല​ധി​കം ക​ഴു​ത്തി​ലു​ണ്ടാ​യി​രു​ന്ന ആ​ഭ​ര​ണം ന​ഷ്ട​പ്പെ​ട്ട സ​ങ്ക​ട​ത്തി​ലി​രി​ക്കെ​യാ​ണ് അ​ഞ്ജ​ലി ഉ​ൾ​പ്പെ​ട്ട ടീ​മി​ന് 4x100 റി​ലേ​യി​ൽ ഒ​ന്നാം സ്ഥാ​നം ല​ഭി​ക്കു​ന്ന​ത്. ര​ണ്ടാം ലാ​പ്പി​ൽ ഓ​ടി​യ അ​ഞ്ജ​ലി​യി​ലൂ​ടെ ലീ​ഡ് പി​ടി​ച്ച കേ​ര​ളം പി​ന്നെ വി​ട്ടു​കൊ​ടു​ത്തി​ല്ല. മാ​ല ന​ഷ്ട​പ്പെ​ട്ട വി​ഷ​മം ദേ​ശീ​യ ഗെ​യിം​സ് സ്വ​ർ​ണ​നേ​ട്ട​ത്തി​ലൂ​ടെ മ​റ​ക്കാ​ൻ ശ്ര​മി​ക്കു​ക​യാ​ണ് അ​ഞ്ജ​ലി. 100 മീ. ​ഹീ​റ്റ്സി​ലെ 10.73 സെ​ക്ക​ൻ​ഡ് അ​ഞ്ജ​ലി​യു​ടെ പേ​ഴ്സ​ന​ൽ ബെ​സ്റ്റാ​ണ്.