ദേ​ശീ​യ ഫെ​ഡ​റേ​ഷ​ൻ ക​പ്പ് അ​ത്‍ല​റ്റി​ക് മീ​റ്റ്: കേ​ര​ള​ത്തി​ന് ഒ​രു വെ​ങ്ക​ലം കൂ​ടി; മൂ​ന്നാം​നാ​ളൊ​രു മൂ​ന്നാ​മ​ൻ മാ​ത്രം

റാ​ഞ്ചി: ദേ​ശീ​യ ഫെ​ഡ​റേ​ഷ​ൻ ക​പ്പ് അ​ത്‍ല​റ്റി​ക് മീ​റ്റി​ന്റെ മൂ​ന്നാം ദി​നം ഒ​റ്റ മെ​ഡ​ലി​ലൊ​തു​ങ്ങി കേ​ര​ളം. പു​രു​ഷ​ന്മാ​രു​ടെ 110 മീ​റ്റ​ർ ഹ​ർ​ഡ്ൽ​സി​ൽ സ​ച്ചി​ൻ ബി​നു നേ​ടി​യ വെ​ങ്ക​ല​മാ​ണ് ഏ​ക​നേ​ട്ടം. ആ​ദ്യ ദി​വ​സം മെ​ഡ​ലൊ​ന്നും നേ​ടാ​തി​രു​ന്ന കേ​ര​ളം ര​ണ്ടാം​നാ​ൾ ഒ​രു സ്വ​ർ​ണ​വും ര​ണ്ട് വീ​തം വെ​ള്ളി​യും വെ​ങ്ക​ല​വും സ്വ​ന്ത​മാ​ക്കി​യി​രു​ന്നു.

ഇ​ന്ന​ലെ കേ​ര​ള​ത്തി​ന്റെ മു​ഹ​മ്മ​ദ് അ​ഫ്സ​ൽ പു​രു​ഷ​ന്മാ​രു​ടെ 800 മീ​റ്റ​റി​ലും പി.​ഡി. അ​ഞ്ജ​ലി 200 മീ​റ്റ​റി​ലും അ​വ​സാ​ന​ദി​ന​മാ​യ വ്യാ​ഴാ​ഴ്ച ന​ട​ക്കു​ന്ന ഫൈ​ന​ലി​ലേ​ക്ക് യോ​ഗ്യ​ത നേ​ടി​യി​ട്ടു​ണ്ട്. പു​രു​ഷ​ന്മാ​രു​ടെ 110 മീ​റ്റ​ർ ഹ​ർ​ഡ്ൽ​സി​ൽ 13.72 സെ​ക്ക​ൻ​ഡി​ൽ ഫി​നി​ഷ് ചെ​യ്ത് മ​ഹാ​രാ​ഷ്ട്ര​യു​ടെ തേ​ജ​സ് അ​ശോ​ക് ഷി​ർ​സെ​യാ​ണ് സ്വ​ർ​ണം നേ​ടി​യ​ത്.

രാ​ജ​സ്ഥാ​ന്റെ മാ​ധ​വേ​ന്ദ്ര സി​ങ് ശെ​ഖാ​വ​ത്തി​ന് (13.72) പി​റ​കി​ലാ​യി സ​ച്ചി​ൻ ബി​നു (14.23) മൂ​ന്നാ​മ​തെ​ത്തി. ഫൈ​ന​ലി​ലു​ണ്ടാ​യി​രു​ന്ന മ​റ്റൊ​രു കേ​ര​ള താ​രം മു​ഹ​മ്മ​ദ് ല​സാ​ന് (14.45) അ​ഞ്ചാം സ്ഥാ​ന​മാ​ണ് ല​ഭി​ച്ച​ത്.

വ​നി​ത​ക​ളു​ടെ 100 മീ​റ്റ​ർ ഹ​ർ​ഡ്ൽ​സി​ൽ ദേ​ശീ​യ റെ​ക്കോ​ഡു​കാ​രി ആ​ന്ധ്ര​പ്ര​ദേ​ശി​ന്റെ ജ്യോ​തി യാ​രാ​ജി മീ​റ്റ് റെ​ക്കോ​ഡോ​ടെ ഒ​ന്നാ​മ​തെ​ത്തി ഏ​ഷ്യ​ൻ ചാ​മ്പ്യ​ൻ​ഷി​പ് യോ​ഗ്യ​ത ഉ​റ​പ്പി​ച്ചു. 12.89 സെ​ക്ക​ൻ​ഡി​ലാ​യി​രു​ന്നു ജ്യോ​തി​യു​ടെ ഫി​നി​ഷ്. ക​ഴി​ഞ്ഞ വ​ർ​ഷം തേ​ഞ്ഞി​പ്പ​ല​ത്ത് മീ​റ്റ് റെ​ക്കോ​ഡാ​യ 13.43 സെ​ക്ക​ൻ​ഡ് ചൊ​വ്വാ​ഴ്ച​ത്തെ ഹീ​റ്റ്സി​ൽ ത​ന്നെ 13.23ലേ​ക്ക് മെ​ച്ച​പ്പെ​ടു​ത്തി​യി​രു​ന്നു ജ്യോ​തി.

ത​മി​ഴ്നാ​ടി​ന്റെ നി​ത്യ രാം​രാ​ജ് (13.44) വെ​ള്ളി​യും ഝാ​ർ​ഖ​ണ്ഡി​ന്റെ സ​പ്ന​കു​മാ​രി വെ​ങ്ക​ല​വും (13.58) നേ​ടി. ആ​ദ്യ നാ​ല് സ്ഥാ​ന​ക്കാ​രും ഏ​ഷ്യ​ൻ യോ​ഗ്യ​ത​യേ​ക്കാ​ൾ (13.63) മി​ക​ച്ച സ​മ​യ​ത്ത് മ​ത്സ​രം പൂ​ർ​ത്തി​യാ​ക്കി. കേ​ര​ള​ത്തി​ന്റെ ആ​ൻ റോ​സ് ടോ​മി 14.30 സെ​ക്ക​ൻ​ഡി​ൽ ഏ​ഴാം സ്ഥാ​ന​ത്താ​യി.

വ​നി​ത ഡി​സ്ക​സ് ത്രോ​യി​ൽ മ​ധ്യ​പ്ര​ദേ​ശി​ന്റെ ശാ​ലി​നി ചൗ​ധ​രി (49.35 മീ​റ്റ​ർ) സ്വ​ർ​ണ​വും പ​ഞ്ചാ​ബി​ന്റെ പ​രം​ജോ​ത് കൗ​ർ വെ​ള്ളി​യും ഒ​ഡി​ഷ​യു​ടെ സ​ൽ​മി കി​സ്പോ​ട്ട വെ​ങ്ക​ല​വും നേ​ടി. അ​തേ​സ​മ​യം, ക​ന​ത്ത മ​ഴ​യെ‍യും കാ​റ്റി​നെ​യും തു​ട​ർ​ന്ന് റാ​ഞ്ചി ബി​ർ​സ മു​ണ്ട സ്റ്റേ​ഡി​യ​ത്തി​ലെ ദേ​ശീ​യ ഫെ​ഡ​റേ​ഷ​ൻ ക​പ്പ് അ​ത്‍ല​റ്റി​ക് മീ​റ്റ് മ​ത്സ​ര​ങ്ങ​ൾ നി​ർ​ത്തി​വെ​ച്ചു. ബു​ധ​നാ​ഴ്ച വൈ​കീ​ട്ട് 200 മീ​റ്റ​ർ ഹീ​റ്റ്സ് മ​ത്സ​രം ന​ട​ക്കു​മ്പോ​ഴാ​ണ് കാ​ലാ​വ​സ്ഥ പ്ര​തി​കൂ​ല​മാ​യ​ത്.