ഹരിദ്വാറിലെ മുസ്​ലിം കൂട്ടക്കൊല ആഹ്വാനത്തിൽ പ്രതികരിച്ച്​ ടെന്നീസ്​ താരം മാർട്ടിന

ഉത്തരാഖണ്ഡ്​ ഹരിദ്വാറിലെ ധർമ സൻസദ്​ എന്ന സന്യാസി സമ്മേളനത്തിൽ ഉയർന്ന മുസ്​ലിം കൂട്ടക്കൊല ആഹ്വാനത്തില്‍ ​പ്രതികരിച്ച്​ പ്രശസ്​ത ടെന്നീസ്​ താരം മാർട്ടിന നവ്​രതിലോവ രംഗത്ത്​. വിദേശ മാധ്യമ പ്രവർത്തകയായ സിജെ വെർലമൻ സംഭവത്തി​െൻറ വിഡിയോ പങ്കു​വെച്ചിരുന്നു. അത്​ സ്വന്തം ട്വിറ്റർ ഹാൻഡിലിൽ ഷെയർ ചെയ്ത മാർട്ടിന 'ഇന്ത്യയിൽ എന്താണ്​ സംഭവിക്കുന്നത്​..? എന്ന്​​ ചോദിച്ചു​.

ഹരിദ്വാറിൽ മുസ്‌ലിംകൾക്കെതിരെ വിദ്വേഷ പ്രസംഗങ്ങൾ നടത്തിയവർക്കെതിരെ ഇന്ന്​ കോൺഗ്രസ്​ നേതാവ്​ പ്രിയങ്ക ഗാന്ധിയും രൂക്ഷമായി പ്രതികരിച്ചിരുന്നു. അക്രമത്തിന് പ്രേരിപ്പിക്കുന്നവർക്കെതിരെ നടപടിയെടുക്കണമെന്നും അത്തരം പ്രവർത്തനങ്ങൾ ഭരണഘടന ലംഘനമാണെന്നും പ്രിയങ്ക ഗാന്ധി ട്വിറ്ററിലൂടെ വ്യക്തമാക്കി.

നിരവധി പ്രതിപക്ഷ നേതാക്കളാണ്​ വിദ്വേഷ പ്രസംഗത്തിനെതിരെ രംഗത്തെത്തിയത്​. വിദ്വേഷ പ്രസംഗത്തിനെതിരെ തൃണമൂൽ കോൺഗ്രസ്​ ദേശീയ വക്താവ്​ സകേത്​ ഗോഖലെ ധർമ സൻസദ്​ സംഘടിപ്പിച്ചവർക്കെതിരെയും പ്രസംഗിച്ചവർക്കെതിരെയും നടപടി സ്വീകരിക്കണമെന്ന ആവശ്യവുമായി രംഗത്തെത്തിയിരുന്നു. കൂടാതെ ജ്വാലപൂർ പൊലീസ്​ സ്​​റ്റേഷനിൽ പരാതി നൽകുകയും ചെയ്തു.

ഡിസംബർ 17 മുതൽ 19 വരെയായിരുന്നു വിവാദ സമ്മേളനം. ധർമ സൻസദിൽ രാജ്യത്തെ മുസ്​ലിംകൾക്കെതിരെയായിരുന്നു പരസ്യമായ കൊലവിളിയും വിദ്വേഷ പ്രസംഗവും. ന്യൂനപക്ഷങ്ങളെ കൊല്ലാനും അവരുടെ ആരാധനാ കേന്ദ്രങ്ങൾ ആക്രമിക്കാനും ചടങ്ങിൽ പ്രസംഗിച്ചവർ ആഹ്വാനം ചെയ്തിരുന്നു.