ഹാ​ട്രി​ക്കി​ലേ​ക്ക് ചു​വ​ടു​വെ​ച്ച് പാ​ല​ക്കാ​ട്

കു​ന്നം​കു​ളം: സം​സ്ഥാ​ന സ്കൂ​ൾ കാ​യി​കോ​ത്സ​വ​ത്തി​ൽ ഒ​രു മീ​റ്റ് റെ​ക്കോ​ഡ് മാ​ത്രം പി​റ​ന്ന ര​ണ്ടാം​ദി​ന​ത്തി​ലെ മ​ത്സ​ര​യി​ന​ങ്ങ​ൾ പൂ​ർ​ത്തി​യാ​യ​പ്പോ​ൾ ഹാ​ട്രി​ക് കി​രീ​ടം ല​ക്ഷ്യ​മി​ട്ട് പാ​ല​ക്കാ​ട​ൻ കു​തി​പ്പ് തു​ട​രു​ന്നു. 43 ഇ​ന​ങ്ങ​ളി​ലെ മ​ത്സ​ര​ങ്ങ​ൾ പൂ​ർ​ത്തി​യാ​യ​പ്പോ​ൾ 11 സ്വ​ർ​ണ​വും 11 വെ​ള്ളി​യും നാ​ല് വെ​ങ്ക​ല​വു​മാ​യി 92 പോ​യ​ന്റോ​ടെ​യാ​ണ് പാ​ല​ക്കാ​ട് ആ​ധി​പ​ത്യം തു​ട​രു​ന്ന​ത്.

ഏ​ഴ് ​സ്വ​ർ​ണ​വും 11 വെ​ള്ളി​യും മൂ​ന്ന് വെ​ങ്ക​ല​വു​മു​ൾ​പ്പെ​ടെ 71 പോ​യ​ന്റു​മാ​യി മ​ല​പ്പു​റ​മാ​ണ് തൊ​ട്ടു​പി​ന്നി​ൽ. ഏ​ഴ് സ്വ​ർ​ണ​വും മൂ​ന്ന് വെ​ള്ളി​യും ര​ണ്ട് വെ​ങ്ക​ല​വു​മാ​യി 46 പോ​യ​ന്റു​മാ​യി എ​റ​ണാ​കു​ളം മൂ​ന്നാം സ്ഥാ​ന​ത്ത്. 32 പോ​യ​ന്റു​മാ​യി നി​ല​വി​ലെ ജേ​താ​ക്ക​ളാ​യ മ​ല​പ്പു​റം ക​ട​ക​ശേ​രി ഐ​ഡി​യ​ൽ ഇ.​എ​ച്ച്.​എ​സ്.​എ​സാ​ണ് സ്കൂ​ളു​ക​ളു​ടെ വി​ഭാ​ഗ​ത്തി​ൽ മു​ന്നി​ൽ.

23 പോ​യ​ന്റു​മാ​യി എ​റ​ണാ​കു​ളം കോ​ത​മം​ഗ​ലം മാ​ർ​ബേ​സി​ൽ ര​ണ്ടാ​മ​തും, 19 പോ​യ​ന്റ് വീ​തം നേ​ടി കാ​സ​ർ​കോ​ട് കു​ട്ട​മ​ത്ത് ജി.​എ​ച്ച്.​എ​സ്.​എ​സും കോ​ഴി​ക്കോ​ട് പൂ​വ​മ്പാ​യി എ.​എം.​എ​ച്ച്.​എ​സും മൂ​ന്നാം സ്ഥാ​ന​ത്തു​മാ​ണ്.

ട്രാ​ക്കി​ൽ പു​തി​യ റെ​ക്കോ​ഡു​ക​ളൊ​ന്നും പി​റ​ക്കാ​ത്ത ര​ണ്ടാം​ദി​ന​ത്തി​ൽ സീ​നി​യ​ർ പെ​ൺ​കു​ട്ടി​ക​ളു​ടെ ഷോ​ട്ട്പു​ട്ടി​ൽ കാ​സ​ർ​കോ​ട് ഉ​ദി​നൂ​ർ ജി.​എ​ച്ച്.​എ​സ്.​എ​സി​ലെ വി.​എ​സ്. അ​നു​പ്രി​യ​യു​ടെ ദേ​ശീ​യ റെ​ക്കോ​ഡ് ഭേ​ദി​ക്കു​ന്ന പ്ര​ക​ട​ന​മാ​ണ് ആ​ശ്വാ​സ​മാ​യ​ത്. അ​ഞ്ചു​വ​ർ​ഷം പ​ഴ​ക്ക​മു​ള്ള തി​രു​വ​ന​ന്ത​പു​രം ‘സാ​യി’​യു​ടെ മേ​ഘ മ​റി​യം മാ​ത്യു​വി​ന്റെ 14.91 മീ​റ്റ​റി​ന്റെ സം​സ്ഥാ​ന റെ​ക്കോ​ഡാ​ണ് 16.83 മീ​റ്റ​റി​ന്റെ പു​തി​യ ദൂ​രം കൊ​ണ്ട് അ​നു​പ്രി​യ ജ​ല​രേ​ഖ​യാ​ക്കി​യ​ത്. പാ​ല​ക്കാ​ട് മാ​ത്തൂ​ർ സി.​എ​ഫ്.​ഡി.​വി.​എ​ച്ച്.​എ​സ്.​എ​സ്.​എ​സി​ലെ പി. ​അ​ബി​രാ​മും പാ​ല​ക്കാ​ട് ഗ​വ. മോ​യ​ൻ​സ് ഗേ​ൾ​സ് എ​ച്ച്.​എ​സ്.​എ​സി​ലെ ജി. ​താ​ര​യും 100 മീ​റ്റ​റി​ൽ ഒ​ന്നാ​മ​തെ​ത്തി വേ​ഗ​താ​ര​ങ്ങ​ളാ​യി.

സീ​നി​യ​ർ പെ​ൺ​കു​ട്ടി​ക​ളു​ടെ 400 മീ​റ്റ​റി​ൽ ഒ​ന്നാ​മ​തെ​ത്തി പാ​ല​ക്കാ​ട് പ​റ​ളി എ​ച്ച്.​എ​സ്.​എ​സി​ലെ എം. ​ജ്യോ​തി​ക​യും 100 മീ​റ്റി​ലെ സ്വ​ർ​ണ​വു​മാ​യി പി. ​അ​ബി​രാ​മും, സീ​നി​യ​ർ ആ​ൺ​കു​ട്ടി​ക​ളു​ടെ ഹൈ​ജം​പി​ൽ ക​ട​ക​ശ്ശേ​രി ഐ​ഡി​യ​ലി​ന്റെ മു​ഹ​മ്മ​ദ് മു​ഹ​സി​നും ഇ​ര​ട്ട റെ​ക്കോ​ഡു​ക​ൾ ക​ര​സ്ഥ​മാ​ക്കി​യ​തും ര​ണ്ടാം​ദി​ന​ത്തെ ശ്ര​ദ്ധേ​യ​മാ​ക്കി.

ആ​ദ്യ​ദി​ന​ത്തി​ലെ ര​ണ്ട് റെ​ക്കോ​ഡു​ക​ൾ ഉ​ൾ​പ്പെ​ടെ മൂ​ന്ന് റെ​ക്കോ​ഡു​ക​ളാ​ണ് ര​ണ്ട് ദി​വ​സ​മാ​യി കു​ന്നം​കു​ളം സ്റ്റേ​ഡി​യ​ത്തി​ൽ പി​റ​ന്ന​ത്. 1500 മീ​റ്റ​ർ, 110, 100 മീ. ​ഹ​ർ​ഡി​ൽ​സ് , 4x100 മീ​റ്റ​ർ റി​ലേ എ​ന്നി​വ​യാ​ണ് മൂ​ന്നാം ദി​ന​ത്തി​ലെ ശ്ര​ദ്ധേ​യ ഇ​ന​ങ്ങ​ൾ.